Bein útsending frá Hólminum á Vísi

Vísir verður með beina sjónvarpsútsendingu frá leik Snæfells og Hauka í lokaúrslitum Domino's-deildar kvenna í kvöld.

Þetta er þriðji leikur liðanna í rimmunni en staðan í henni er 2-0 fyrir Snæfelli. Heimamenn verða því Íslandsmeistarar með sigri í kvöld.

Leikurinn hefst klukkan 19.15 í kvöld og hefst bein útsending skömmu áður hér á Vísi í samstarfi við sporttv.is. Viðureigninni verður einnig lýst með beinni textalýsingu og henni svo gerð góð skil með umfjöllun og viðtölum að henni lokinni.

Hér fyrir neðan má lesa umfjöllun Vísis um fyrstu tvo leikina í rimmunni.