Helga María tók annað gull

Skíðalandsmóti Íslands lauk á Akureyri í dag en þá fór fram keppni í samhliðasvigi og í boðgöngu.

Arnar Geir Ísaksson gerði sér lítið fyrir og sló tvöföldum Íslandsmeistara í alpagreinum, Einari Kristni Kristgeirssyni, í úrslitum samhliðasvigs karla.

Helga María Vilhjálmsdóttir, Íslandsmeistari í stórsvigi kvenna, vann svo í kvennaflokki eftir að hafa unnið Freydísi Höllu Einarsdóttur í úrslitum. Freydís Halla varð meistari í svigi í gær.

Thelma Rut Jóhannesdóttir fékk svo brons í samhliðasvigi kvenna og Brynjar Jökull Guðmundsson í karlaflokki.

A-sveit Akureyrar varð hlutskörpust í boðgöngu karla en hana skipuðu Brynjar Leó Kristinsson, Vadim Gusev og Gísli Einar Árnason. Ísafjörður varð í öðru sæti og sveit Reykjavíkur í því þriðja. B- og C-sveitir komu svo næstar.

Í kvennaflokk bar sveit Ísafjarðar sigur úr býtum en hana skipuðu  Elena Dís Víðisdóttir og Guðbjörg Rós Sigurðardóttir. Blönduð sveit Ísafjarðar og Reykjavíkur varð önnur.