Valskonur inn í úrslitakeppnina með stæl - myndir

Valur varð í kvöld fjórða og síðasta liðið til þess að tryggja sér sæti í úrslitakeppni Dominos-deildar kvenna í körfubolta eftir 34 stiga sigur á Hamar í uppgjöri liðanna tveggja sem áttu möguleika á því að fylgja Snæfelli, Haukum og Keflavík inn í úrslitakeppnina.

Daníel Rúnarsson, ljósmyndari Vísis og Fréttablaðsins, var á leiknum í Vodafone-höllinni í kvöld og náði skemmtilegum myndum sem má sjá hér fyrir ofan og neðan.

Valur er með fjögurra stiga forskot á Hamar þegar aðeins ein umferð er eftir en Hamarsstúlkur hefðu farið upp fyrir Val með sigri í kvöld.

Valskonur mæta deildarmeisturum Snæfells í undanúrslitum úrslitakeppninnar en í hinum leiknum mætast síðan lið Hauka og Keflavíkur.