Umfjöllun og viðtöl: Akureyri-FH 24-23 | Kristján Orri tryggði Akureyri sigur í blálokin Birgir H. Stefánsson á Akureyri skrifar 13. febrúar 2014 18:15 Kristján Orri Jóhannsson var hetja Akureyringa í kvöld þegar hann skoraði sigurmarkið á móti FH í 24-23 sigri í Olís-deild karla í handbolta. Markið kom aðeins átta sekúndum fyrir leikslok. Akureyringar leituðu hefnda í kvöld og tókst það. FH-liðið sló AKureyri út úr bikarnum á þessum sama velli í framlengdum leik í byrjun vikunnar en varð nú að sætta sig við fimmta deildartapið í röð. Það var ekki boðið upp á neinn háklassa handbolta í Íþróttahöllinni á Akureyri í kvöld en dramatíkin og baráttan var þó til staðar í jöfnum og spennandi leik. Mikið var um mistök og liðin virtust á köflum vera að keppast um að losa sig við boltann en það gæti vel hafa setið í leikmönnum að þessi sömu lið áttust við fyrir aðeins þremur dögum í leik sem þurfti að framlengja. Jafnt var á næstum öllum tölum út fyrri hálfleikinn en bæði lið áttu það í raun sameiginlegt að markmenn þeirra mættu ekki til leiks af alvöru fyrr en í seinni hálfleik en þegar flautað var til hálfleiks þá voru fjórir markmenn búnir að spreyta sig og ná að verja samtals átta skot sem seint verður talið gott. Það sama verður ekki sagt um Bjarna Fritzson sem var allt í öllu í sóknarleik heimamanna hvort sem það var fyrir utan, í horninu eða á vítapunktinum og endaði leikinn með 11 mörk úr 14 skotum en næstur á eftir honum var Kristján Orri Jóhannsson með fimm mörk og þar af voru tvö af þremur síðustu mörkum leiksins. Markaskorun hjá FH var öllu jafnari en hjá heimamönnum en þar voru þeir Einar Rafn Eiðsson og Ásbjörn Friðriksson markahæstir með fimm en þeir Valdimar Fannar Þórsson, Benedikt Reynir Kristinsson og Magnús Óli Magnússon með þrjú. Lokakafli leiksins var æsispennandi en þegar innan við mínúta var eftir héldu gestirnir í FH að Einar Rafn Eiðsson hefði skorað mark sem hann vissulega gerði en það var svo dæmt af vegna þess að dómarar leiksins töldu að hann hefði verið lentur áður en hann náði að losa sig við boltann. Heimamenn lögðu af stað í sókn og tóku svo leikhlé þegar aðeins um 15 sekúndur voru til leiksloka og staðan jöfn, 23-23. Þegar um átta sekúndur eru svo eftir af leiknum opnaðist vörn FH fyrir miðju. Kristján Orri Jóhannsson notfærði sér tækifærið, stakk sér í gegn og skilaði boltanum í netið. Leikmenn FH reyndu að taka miðjuna eins hratt og þeir gátu en um leið og þeir komu boltanum í leik var Halldór Logi Árnason mættur til að stöðva sókn þeirra. Halldór fékk tveggja mínútna brottvísun fyrir en fagnaði henni innilega þar sem leiktíminn rann út á meðan og sigur heimamanna því í höfn.Einar Andri ósáttur með spilamennskuna Einar Andri Einarsson, þjálfari FH, var mjög ósáttur með spilamennsku sinna manna í alla staði hvort sem um var að ræða vörn, sókn eða markvörslu. Einar talaði um að þreyta virtist vera í hans mönnum eftir framlengda bikarleikinn fyrr í vikunni en FH sló þá út Akureyinga eftir mikla dramatík. Einar Andri hélt samt að sigurinn væri langt kominn þegar Einar Rafn Eiðsson skoraði undir lokin en svo var það dæmt af.Þrándur Gíslason: Við erum djöfull góðir „Það hefði verið dásamlegt að komast áfram í bikarnum og maður átti flottan leik þar,“ sagði Þrándur Gíslason þegar hann var spurður út í það hvort að þessi sigur væri jafn sætur og tapið var súrt þremur dögum áður. „Held að þetta hafi jafnvel verið aðeins mikilvægara. Fyrir töfluna var þetta eiginlega bara algjörlega nauðsynlegt að ná í tvö stig hér og það verðum við að gera aftur á sunnudag gegn ÍBV ef við ætlum að vera með.“ Ef marka má þessa síðustu tvo leiki þá eru hér jöfn lið á ferð „Já, við erum djöfull góðir og það eru þeir líka. Þetta er líklegast bara svolítið lýsandi fyrir deildina nema þetta hefur ekki alveg dottið með okkur og við höfum líka tekið nokkrar skitur. Við erum vonandi að ná því núna að vinna aðeins upp sjálfstraust og stöðugleika.“ Það er væntanlega markmiðið að komast í úrslitakeppnina? „Það er ekki spurning, við stefnum klárlega á það ennþá. Þetta er að spilast nokkuð vel fyrir okkur, allir að vinna alla og þá er stutt í pakkann. Það er bara mikilvægasta atriðið hjá okkur að halda áfram að næla í stig.“ Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Marlena er sigurvegari Bakgarðshlaupsins Sport Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Kristján Orri Jóhannsson var hetja Akureyringa í kvöld þegar hann skoraði sigurmarkið á móti FH í 24-23 sigri í Olís-deild karla í handbolta. Markið kom aðeins átta sekúndum fyrir leikslok. Akureyringar leituðu hefnda í kvöld og tókst það. FH-liðið sló AKureyri út úr bikarnum á þessum sama velli í framlengdum leik í byrjun vikunnar en varð nú að sætta sig við fimmta deildartapið í röð. Það var ekki boðið upp á neinn háklassa handbolta í Íþróttahöllinni á Akureyri í kvöld en dramatíkin og baráttan var þó til staðar í jöfnum og spennandi leik. Mikið var um mistök og liðin virtust á köflum vera að keppast um að losa sig við boltann en það gæti vel hafa setið í leikmönnum að þessi sömu lið áttust við fyrir aðeins þremur dögum í leik sem þurfti að framlengja. Jafnt var á næstum öllum tölum út fyrri hálfleikinn en bæði lið áttu það í raun sameiginlegt að markmenn þeirra mættu ekki til leiks af alvöru fyrr en í seinni hálfleik en þegar flautað var til hálfleiks þá voru fjórir markmenn búnir að spreyta sig og ná að verja samtals átta skot sem seint verður talið gott. Það sama verður ekki sagt um Bjarna Fritzson sem var allt í öllu í sóknarleik heimamanna hvort sem það var fyrir utan, í horninu eða á vítapunktinum og endaði leikinn með 11 mörk úr 14 skotum en næstur á eftir honum var Kristján Orri Jóhannsson með fimm mörk og þar af voru tvö af þremur síðustu mörkum leiksins. Markaskorun hjá FH var öllu jafnari en hjá heimamönnum en þar voru þeir Einar Rafn Eiðsson og Ásbjörn Friðriksson markahæstir með fimm en þeir Valdimar Fannar Þórsson, Benedikt Reynir Kristinsson og Magnús Óli Magnússon með þrjú. Lokakafli leiksins var æsispennandi en þegar innan við mínúta var eftir héldu gestirnir í FH að Einar Rafn Eiðsson hefði skorað mark sem hann vissulega gerði en það var svo dæmt af vegna þess að dómarar leiksins töldu að hann hefði verið lentur áður en hann náði að losa sig við boltann. Heimamenn lögðu af stað í sókn og tóku svo leikhlé þegar aðeins um 15 sekúndur voru til leiksloka og staðan jöfn, 23-23. Þegar um átta sekúndur eru svo eftir af leiknum opnaðist vörn FH fyrir miðju. Kristján Orri Jóhannsson notfærði sér tækifærið, stakk sér í gegn og skilaði boltanum í netið. Leikmenn FH reyndu að taka miðjuna eins hratt og þeir gátu en um leið og þeir komu boltanum í leik var Halldór Logi Árnason mættur til að stöðva sókn þeirra. Halldór fékk tveggja mínútna brottvísun fyrir en fagnaði henni innilega þar sem leiktíminn rann út á meðan og sigur heimamanna því í höfn.Einar Andri ósáttur með spilamennskuna Einar Andri Einarsson, þjálfari FH, var mjög ósáttur með spilamennsku sinna manna í alla staði hvort sem um var að ræða vörn, sókn eða markvörslu. Einar talaði um að þreyta virtist vera í hans mönnum eftir framlengda bikarleikinn fyrr í vikunni en FH sló þá út Akureyinga eftir mikla dramatík. Einar Andri hélt samt að sigurinn væri langt kominn þegar Einar Rafn Eiðsson skoraði undir lokin en svo var það dæmt af.Þrándur Gíslason: Við erum djöfull góðir „Það hefði verið dásamlegt að komast áfram í bikarnum og maður átti flottan leik þar,“ sagði Þrándur Gíslason þegar hann var spurður út í það hvort að þessi sigur væri jafn sætur og tapið var súrt þremur dögum áður. „Held að þetta hafi jafnvel verið aðeins mikilvægara. Fyrir töfluna var þetta eiginlega bara algjörlega nauðsynlegt að ná í tvö stig hér og það verðum við að gera aftur á sunnudag gegn ÍBV ef við ætlum að vera með.“ Ef marka má þessa síðustu tvo leiki þá eru hér jöfn lið á ferð „Já, við erum djöfull góðir og það eru þeir líka. Þetta er líklegast bara svolítið lýsandi fyrir deildina nema þetta hefur ekki alveg dottið með okkur og við höfum líka tekið nokkrar skitur. Við erum vonandi að ná því núna að vinna aðeins upp sjálfstraust og stöðugleika.“ Það er væntanlega markmiðið að komast í úrslitakeppnina? „Það er ekki spurning, við stefnum klárlega á það ennþá. Þetta er að spilast nokkuð vel fyrir okkur, allir að vinna alla og þá er stutt í pakkann. Það er bara mikilvægasta atriðið hjá okkur að halda áfram að næla í stig.“
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Sér eftir að hafa valið Val fram yfir KR Íslenski boltinn Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Marlena er sigurvegari Bakgarðshlaupsins Sport Clark slegin í augað í frumraun Körfubolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira