Samkvæmt nýjum tilskipunum frá Evrópusambandinu er aðildarríkjum gert að reikna út áhrif ýmissar ólöglegrar starfsemi, svo sem vændiskaupa og fíkniefnasölu, á þjóðarbúið. Þetta kemur fram í frétt Huffington Post um málið.
Evrópusambandið segir þetta lið í því að gera samanburð milli aðildarríkja sambandsins marktækari svo hægt sé að tryggja jafnari útdeilingu fjármuna úr sjóðum Evrópusambandsins.
Bretar áætla að þessir geirar hafi um 10 milljarða punda, um 1900 milljörðum króna, árlega og í kjölfar þessarar nýju tilskipunar geta Grikkir búist við því að verg landsframleiðsla þeirra aukist um 2% árlega.
Þessi tilskipun hefur vakið töluverða úlfúð og hefur Mark Garnier, þingmaður breska Íhaldsflokksins, meðal annars sagt að með tilkomu hennar sé embættismönnum gert að reikna út áhrif mistaka þeirra í baráttunni gegn undirheimunum.
