Fyrsta sýnishornið úr kvikmynd um Amöndu Knox

Réttarhöldin yfir Amöndu Knox hafa vakið athygli um allan heim. 

Leikstjórinn Michael Winterbottom hefur nú gert kvikmynd um málið, en myndin heitir Face Of An Angel.

Sýnishorn úr myndinni var sýnt á Variety í gær og má sjá hér að neðan.

Myndin er lauslega byggð á bók Barbie Latza Nadeau, Angel Face: Sex, Murder and the Inside Story of Amanda Knox.

Myndin er meðframleidd af BBC og í henni leika stjörnur á borð við Kate Beckinsale, Daniel Bruhl og fyrirsætan Cara Delevingne.

Þetta er ekki fyrsta kvikmyndin sem byggð er á réttarhöldunum. Árið 2011, frumsýndi Lifetime myndina Amanda Knox: Murder on Trial in Italy, með Hayden Panettiere.