Elvar Már og Lele Hardy fengu flest atkvæði

Byrjunarliðin í Stjörnuleikjum Körfuknattleikssambands Íslands eru nú klár en KKÍ og einfalt.is stóðu fyrir netkosningu í desember á byrjunarliðum karla og kvenna fyrir Stjörnuleikina 2014. Niðurstöður kosningarinnar eru birtar inn á heimasíðu KKÍ.

Elvar Már Friðriksson úr Njarðvík, og Lele Hardy úr Haukum, voru á dögunum valdir bestu leikmenn fyrri hlutans í Dominos-deildunum og þau fengu einnig flest atkvæði í kosningunni.  Hildur Sigurðardóttir hjá Snæfelli fékk næstflest atkvæði hjá konunum en hjá körlunum varð KR-ingurinn Martin Hermannson í öðru sæti.

Þjálfarar liðanna eru þeir þjálfarar í Domino's deildum karla og kvenna sem voru efstir um áramótin sem eru þeir Finnur Freyr Stefánsson, KR og Andy Johnston, Keflavík hjá körlunum. Hjá konum eru það þeir Ingi Þór Steinþórson, Snæfell, og Andy hjá Keflavík sem þjálfa. Liðunum skipt á víxl í tvo hópa, þannig að efsta liðið leikur með liðum í oddasætum og liðið í öðru sæti með liðum í sléttum sætum.

Stjörnuliðin 2014 eru því skipuð eftirfarandi leikmönnum og þjálfurum:

Byrjunarlið Stjörnuleiks kvenna:

Icelandair-liðið

Þjálfari Andy Johnston, Keflavík.

Lið: (Keflavík, Grindavík, KR, Haukar)

Leikmenn:

Lele Hardy, Haukar · 332 atkvæði

Sara Rún Hinriksdóttir, Keflavík - 187 atkvæði

Bryndís Guðmundsdóttir, Keflavík - 176 atkvæði

Sigrún Sjöfn Ámundadóttir, KR - 155 atkvæði

María Ben Erlingsdóttir, Grindavík - 144 atkvæði

Domino's-liðið

Þjálfari Ingi Þór Steinþórsson, Snæfell

Lið: (Snæfell, Valur, Hamar, Njarðvík)

Leikmenn:

Hildur Sigurðardóttir, Snæfell - 269 atkvæði

Chynna Unique Brown, Snæfell - 180 atkvæði

Hildur Björg Kjartansdóttir, Snæfell - 177 atkvæði

Kristrún Sigurjónsdóttir, Valur - 133 atkvæði

Guðrún Gróa Þorsteinsdóttir, Snæfell - 122 atkvæði



Byrjunarlið Stjörnuleiks karla:

Icelandair-liðið

Þjálfari Andy Johnston, Keflavík.

Lið: (Keflavík, Njarðvík, Stjarnan, Snæfell, Valur, Skallagrímur)

Leikmenn:

Elvar Már Friðriksson, Njarðvík -  594 atkvæði

Michael Craion, Keflavík - 421 atkvæði

Logi Gunnarsson, Njarðvík - 374 atkvæði

Justin Shouse, Stjarnan - 323 atkvæði

Jón Ólafur Jónsson, Snæfell - 294 atkvæði

Domino's-liðið

Þjálfari Finnur Freyr Stefánsson, KR

Lið: (KR, Grindavík, Haukar, Þór Þ., ÍR, KFÍ)

Leikmenn:

Martin Hermannson, KR - 513 atkvæði

Pavel Ermolinskij, KR - 496 atkvæði

Ragnar Ágúst Nathanaelsson, Þór Þ. - 330 atkvæði

Terrence Watson, Haukar - 256 atkvæði

Sigurður Gunnar Þorsteinsson, Grindavík - 215 atkvæði