Hardy: Við getum unnið deildina

Lele Hardy, leikmaður Hauka í Domino's-deild kvenna, viðurkennir að það hafi ekki komið sér mjög á óvart að hún hafi verið valin besti leikmaður fyrri hluta tímabilsins í deildinni.

„Þetta kemur kannski ekki á óvart en það er allt mögulegt þegar maður leggur á sig mikla vinnu,“ sagði Hardy sem hefur átt frábært tímabil með Haukunum til þessa. „Ég er sífellt að bæta mig og þroskast sem leikmaður.“

Haukar eru nú í öðru sæti deildarinnar en Keflavík trónir á toppnum með fjögurra stiga forysty. Hardy hefur þó trú á sínu liði.

„Við ætlum að gera allt sem við getum til að vinna deildina. Ef við leggjum hart að okkur og allir þættir smella vel saman þá ættum við að vinna deildina.“

Viðtal Arnars Björnssonar við Hardy má sjá í spilaranum hér fyrir ofan.