Rodgers kom Green Bay í úrslitakeppnina Eiríkur Stefán Ásgeirsson skrifar 30. desember 2013 08:54 Rodgers fagnar með Randall Cobb í leikslok. Mynd/AP Æsilegur lokadagur deildakeppninnar í NFL-deildinni fór fram í gærkvöldi og nótt. Green Bay Packers, San Diego Chargers og Philadelphia Eagles voru meðal annarra sigurvegarar dagsins. Aaron Rodgers, leikstjórnandi Green Bay Packers, sneri til baka eftir að hafa viðbeinsbrotnað á miðju tímabilinu en hann missti af alls sjö leikjum. Endurkoma hans var mögnuð en liðið lék hreinan úrslitaleik gegn Chicago Bears um sigur í norðurriðli NFC-deildarinnar og þar með sæti í úrslitakeppninni. Leikurinn var æsispennandi og Chicago í lykilstöðu þegar lítið var eftir. Rodgers, einn besti leikmaður NFL-deildarinnar undanfarin ár, gaf þá 48 jarda snertimarkssendingu á Randall Cobb þegar aðeins 38 sekúndur voru eftir og tryggði sínum mönnum sigurinn. Cobb var einnig að snúa til baka eftir langverandi fjarveru vegna meiðsla en hann greip boltann tvisvar í leiknum. Hann skoraði snertimark í bæði skiptin. Þetta var þriðja árið í röð sem Green Bay vinnur sinn riðil í deildinni og fimmta árið í röð sem liðið kemst í úrslitakeppnina. Chicago hefur hins vegar misst af úrslitakeppninni í sex skipti af síðustu sjö.Phillip Rivers kom Chargers í úrslitakeppnina.Mynd/AP San Diego Chargers átti einnig magnaðan dag en leið liðsins í úrslitakeppnina í gær var lyginni líkust. Liðið þurfti í fyrsta lagi að treysta á að Miami Dolphins og Baltimore Ravens myndu bæði tapa sínum leikjum sem var einmitt það sem gerðist. San Diego þurfti þá að vinna Kansas City Chiefs, sem var öruggt með sæti sitt í úrslitakeppninni og hvíldi sína sterkustu leikmenn í leiknum. En San Diego var á hælunum allan leikinn og Kansas City var hársbreidd frá sigrinum. Sparkarinn Ryan Succop fékk tækifæri til að tryggja Kansas City sigur í blálok venjulegs leiktíma en klikkaði af stuttu færi. Því þurfti að framlengja leikinn en þar hafði San Diego betur að lokum, 27-24. Stuðningsmenn Pittsburgh Steelers voru gráti næst því að hefði Succup skorað og Kansas City unnið hefði þeirra lið komist áfram í stað San Diego.Orton og félagar í Dallas voru svekktir í leikslok.Mynd/AP Næturleikurinn var svo hreinn úrslitaleikur Dallas Cowboys og Philadelphia Eagles um sigur í austurriðli NFC-deildarinnar. Augu flestra beindust að Kyle Orton en hann var leikstjórnandi Dallas í fjarveru Tony Romo, sem gekkst undir aðgerð á baki fyrir helgi. Orton spilaði vel í leiknum og vörn Dallas hélt öflugri sókn Philadelphia lengi vel í skefjum. Ernirnir voru þó með frumkvæðið og tveggja stiga forystu, 24-22, þegar Dallas fékk boltann á lokamínútunum. Orton fékk því kjörið tækifæri til að tryggja sínum mönnum sigurinn en þegar tæpar tvær mínútur voru eftir komst varnarmaðurinn Brandon Boykin inn í sendingu Orton sem tryggði Philadelphia sigurinn og þar með sæti í úrslitakeppninni. Denver Broncos og Seattle Seahawks unnu leiki sína og tryggðu sér þar með efstu sæti AFC- og NFC-deildanna. Liðin sitja því hjá í fyrstu umferð úrslitakeppninnar, sem og bæði New England Patriots og Carolina Panthers. Úrslitakeppnin hefst um næstu helgi en þá mætast eftirfarandi lið:Laugardagur 4. janúar: 21.35: Indianapolis Colts - Kansas City Chiefs 00.10: Philadelphia Eagles - New Orleans SaintsSunnudagur 5. janúar: 18.05: Cincinnati Bengals - San Diego Chargers 21.40: Green Bay Pakcers - San Francisco 49ers NFL Mest lesið Segist „hafa dáið fjórum sinnum“ og er nánast óþekkjanlegur í dag Sport Í beinni: Ísland - Noregur | Stelpurnar okkar spila upp á stoltið Fótbolti Síðasti séns á að vinna milljónir Fótbolti Valdi Ísland fram yfir Noreg: „Ég er meiri Íslendingur“ Fótbolti Hneykslast á kostnaði við kveðjuveislu Þóris og Lio Handbolti Danska þjóðin í áfalli: „Verra en okkar versta martröð“ Sport Leik lokið: Malisheva - Víkingur 0-1 | Fagleg frammistaða hjá Víkingum Fótbolti Þegar náttúran kallar í miðjum klíðum Sport Fær ekki heimsmet sitt viðurkennt: „Þetta er kjánalegt“ Sport Stefán mætir Liverpool þrátt fyrir fráfall Jota Enski boltinn Fleiri fréttir Í beinni: Valur - Flora | Evrópuævintýri að hefjast á Hlíðarenda? „Við erum að gera eitthvað rétt“ Þrjár breytingar: Katla fær stórt tækifæri í lokaleik Íslands á EM Í beinni: Malisheva - Víkingur | Stefnan aftur sett á Sambandsdeildina Anisimova og Swiatek í úrslit í fyrsta sinn Í beinni: Ísland - Noregur | Stelpurnar okkar spila upp á stoltið Birkir Hrafn í NBA akademíunni Myndaveisla: Íslensk yfirtaka í Thun og vonast eftir fyrsta sigrinum Á góðum stað fyrir mikil átök Fjórir eru tveimur leikjum frá því að vinna sjö titla á einu ári Man. Utd vill fá úrslitaleikinn á HM kvenna í fótbolta Fær ekki heimsmet sitt viðurkennt: „Þetta er kjánalegt“ Valdi Ísland fram yfir Noreg: „Ég er meiri Íslendingur“ EM í dag: Hungur í sigur, þreytandi vörður og næstum stærsta skúbb mótsins „Miklu skemmtilegra að vera í þessari baráttu“ Danska þjóðin í áfalli: „Verra en okkar versta martröð“ Arsenal eflir miðjuna enn frekar Sex hafa ekkert spilað á EM Sjáðu strákana á N1 mótinu sýna snilli sína „Þetta gerist rosa hratt“ Stefán mætir Liverpool þrátt fyrir fráfall Jota Ajax riftir samningi Jordans Henderson Síðasti séns á að vinna milljónir Missum Hondúras upp fyrir okkur en höldum sama sæti á FIFA listanum Missir af leik á EM vegna höfuðmeiðsla Hneykslast á kostnaði við kveðjuveislu Þóris og Lio Segist „hafa dáið fjórum sinnum“ og er nánast óþekkjanlegur í dag Sengun í fantaformi í sumarfríinu Messi í stuði í nótt og nældi sér í enn eitt metið Hægt að gista í glæsihúsi Michael Jordan Sjá meira
Æsilegur lokadagur deildakeppninnar í NFL-deildinni fór fram í gærkvöldi og nótt. Green Bay Packers, San Diego Chargers og Philadelphia Eagles voru meðal annarra sigurvegarar dagsins. Aaron Rodgers, leikstjórnandi Green Bay Packers, sneri til baka eftir að hafa viðbeinsbrotnað á miðju tímabilinu en hann missti af alls sjö leikjum. Endurkoma hans var mögnuð en liðið lék hreinan úrslitaleik gegn Chicago Bears um sigur í norðurriðli NFC-deildarinnar og þar með sæti í úrslitakeppninni. Leikurinn var æsispennandi og Chicago í lykilstöðu þegar lítið var eftir. Rodgers, einn besti leikmaður NFL-deildarinnar undanfarin ár, gaf þá 48 jarda snertimarkssendingu á Randall Cobb þegar aðeins 38 sekúndur voru eftir og tryggði sínum mönnum sigurinn. Cobb var einnig að snúa til baka eftir langverandi fjarveru vegna meiðsla en hann greip boltann tvisvar í leiknum. Hann skoraði snertimark í bæði skiptin. Þetta var þriðja árið í röð sem Green Bay vinnur sinn riðil í deildinni og fimmta árið í röð sem liðið kemst í úrslitakeppnina. Chicago hefur hins vegar misst af úrslitakeppninni í sex skipti af síðustu sjö.Phillip Rivers kom Chargers í úrslitakeppnina.Mynd/AP San Diego Chargers átti einnig magnaðan dag en leið liðsins í úrslitakeppnina í gær var lyginni líkust. Liðið þurfti í fyrsta lagi að treysta á að Miami Dolphins og Baltimore Ravens myndu bæði tapa sínum leikjum sem var einmitt það sem gerðist. San Diego þurfti þá að vinna Kansas City Chiefs, sem var öruggt með sæti sitt í úrslitakeppninni og hvíldi sína sterkustu leikmenn í leiknum. En San Diego var á hælunum allan leikinn og Kansas City var hársbreidd frá sigrinum. Sparkarinn Ryan Succop fékk tækifæri til að tryggja Kansas City sigur í blálok venjulegs leiktíma en klikkaði af stuttu færi. Því þurfti að framlengja leikinn en þar hafði San Diego betur að lokum, 27-24. Stuðningsmenn Pittsburgh Steelers voru gráti næst því að hefði Succup skorað og Kansas City unnið hefði þeirra lið komist áfram í stað San Diego.Orton og félagar í Dallas voru svekktir í leikslok.Mynd/AP Næturleikurinn var svo hreinn úrslitaleikur Dallas Cowboys og Philadelphia Eagles um sigur í austurriðli NFC-deildarinnar. Augu flestra beindust að Kyle Orton en hann var leikstjórnandi Dallas í fjarveru Tony Romo, sem gekkst undir aðgerð á baki fyrir helgi. Orton spilaði vel í leiknum og vörn Dallas hélt öflugri sókn Philadelphia lengi vel í skefjum. Ernirnir voru þó með frumkvæðið og tveggja stiga forystu, 24-22, þegar Dallas fékk boltann á lokamínútunum. Orton fékk því kjörið tækifæri til að tryggja sínum mönnum sigurinn en þegar tæpar tvær mínútur voru eftir komst varnarmaðurinn Brandon Boykin inn í sendingu Orton sem tryggði Philadelphia sigurinn og þar með sæti í úrslitakeppninni. Denver Broncos og Seattle Seahawks unnu leiki sína og tryggðu sér þar með efstu sæti AFC- og NFC-deildanna. Liðin sitja því hjá í fyrstu umferð úrslitakeppninnar, sem og bæði New England Patriots og Carolina Panthers. Úrslitakeppnin hefst um næstu helgi en þá mætast eftirfarandi lið:Laugardagur 4. janúar: 21.35: Indianapolis Colts - Kansas City Chiefs 00.10: Philadelphia Eagles - New Orleans SaintsSunnudagur 5. janúar: 18.05: Cincinnati Bengals - San Diego Chargers 21.40: Green Bay Pakcers - San Francisco 49ers
NFL Mest lesið Segist „hafa dáið fjórum sinnum“ og er nánast óþekkjanlegur í dag Sport Í beinni: Ísland - Noregur | Stelpurnar okkar spila upp á stoltið Fótbolti Síðasti séns á að vinna milljónir Fótbolti Valdi Ísland fram yfir Noreg: „Ég er meiri Íslendingur“ Fótbolti Hneykslast á kostnaði við kveðjuveislu Þóris og Lio Handbolti Danska þjóðin í áfalli: „Verra en okkar versta martröð“ Sport Leik lokið: Malisheva - Víkingur 0-1 | Fagleg frammistaða hjá Víkingum Fótbolti Þegar náttúran kallar í miðjum klíðum Sport Fær ekki heimsmet sitt viðurkennt: „Þetta er kjánalegt“ Sport Stefán mætir Liverpool þrátt fyrir fráfall Jota Enski boltinn Fleiri fréttir Í beinni: Valur - Flora | Evrópuævintýri að hefjast á Hlíðarenda? „Við erum að gera eitthvað rétt“ Þrjár breytingar: Katla fær stórt tækifæri í lokaleik Íslands á EM Í beinni: Malisheva - Víkingur | Stefnan aftur sett á Sambandsdeildina Anisimova og Swiatek í úrslit í fyrsta sinn Í beinni: Ísland - Noregur | Stelpurnar okkar spila upp á stoltið Birkir Hrafn í NBA akademíunni Myndaveisla: Íslensk yfirtaka í Thun og vonast eftir fyrsta sigrinum Á góðum stað fyrir mikil átök Fjórir eru tveimur leikjum frá því að vinna sjö titla á einu ári Man. Utd vill fá úrslitaleikinn á HM kvenna í fótbolta Fær ekki heimsmet sitt viðurkennt: „Þetta er kjánalegt“ Valdi Ísland fram yfir Noreg: „Ég er meiri Íslendingur“ EM í dag: Hungur í sigur, þreytandi vörður og næstum stærsta skúbb mótsins „Miklu skemmtilegra að vera í þessari baráttu“ Danska þjóðin í áfalli: „Verra en okkar versta martröð“ Arsenal eflir miðjuna enn frekar Sex hafa ekkert spilað á EM Sjáðu strákana á N1 mótinu sýna snilli sína „Þetta gerist rosa hratt“ Stefán mætir Liverpool þrátt fyrir fráfall Jota Ajax riftir samningi Jordans Henderson Síðasti séns á að vinna milljónir Missum Hondúras upp fyrir okkur en höldum sama sæti á FIFA listanum Missir af leik á EM vegna höfuðmeiðsla Hneykslast á kostnaði við kveðjuveislu Þóris og Lio Segist „hafa dáið fjórum sinnum“ og er nánast óþekkjanlegur í dag Sengun í fantaformi í sumarfríinu Messi í stuði í nótt og nældi sér í enn eitt metið Hægt að gista í glæsihúsi Michael Jordan Sjá meira