Einar Kristinn og María skíðafólk ársins

Einar Kristinn Kristgeirsson og María Guðmundsdóttir hafa verið útnefnd skíðamaður og skíðakona ársins 2013. Bæði æfa og keppa með Skíðafélagi Akureyrar.

Í tilkynningu frá Skíðasambandi Íslands kemur fram að valið hafi verið sérstaklega erfitt í ár. Hér að neðan má sjá umfjöllun um þau Einar Kristin og Maríu.

Skíðamaður ársins - Einar Kristinn Kristgeirsson

Einar Kristinn er 19 ára gamall (fæddur 1994) og keppir fyrir Skíðafélag Akureyrar. Einar er í landsliði Íslands í alpagreinum.

Einar Kristinn var mjög sigursæll á árinu hérna heima fyrir og afrekaði hann eftirfarandi:

    Íslandsmeistari í svigi í karlaflokki

    Íslandsmeistari í stórsvigi í karlaflokki

    Íslandsmeistari í alpatvíkeppni í karlaflokki

    2.sæti í samhliðasvigi á Skíðamóti Íslands 2013

    Bikarmeistari í karlaflokki

    Íslandsmeistari í svigi í flokki 18-20 ára

    Íslandsmeistari í stórsvigi í flokki 18-20 ára

    Íslandsmeistari í alpatvíkeppni í flokki 18-20 ára

    Bikarmeistari í flokki 18-20 ára

Hann tók þátt á HM fullorðinni í Schladming í Austurríki og HM unglinga í Quebec í Kanada, ásamt því að taka þátt í mörgum alþjóðlegum FIS mótum erlendis, hérna eru helstu afrek hans á mótum erlendis árið 2013:

    HM fullorðinna - 55.sæti í stórsvigi

    HM unglinga - 19.sæti í svigi

    Alþjóðlegt FIS mót í Noregi - 7.sæti í svigi

Einar bætti stöðu sína á heimslista í öllum greinum talsvert:

    Svig: Úr 420.sæti í 160.sæti.

    Stórsvig: Úr 1755.sæti í 1215.sæti.

    Risasvig: Úr 1644.sæti í 994.sæti.

Einar Kristinn er búinn að ná lágmörkum fyrir Vetrarólympíuleikana í Sochi 2014 og eins og staðan er núna er hann á leiðinni þangað.

Skíðakona ársins - María Guðmundsdóttir

María er 20 ára gömul (fædd 1993) og keppir fyrir Skíðafélag Akureyrar. María er í landsliði Íslands í alpagrienum. Á Skíðamóti Íslands í apríl árið 2012 datt María illa og sleit krossbönd, liðþófa og brotnaði á hné. Hún var í endurhæfingu lengi og byrjaði ekki að keppa fyrr en í febrúar 2013. Árangur hennar á árinu er því ótrúlegur miðað við að vera ný kominn uppúr alvarlegum meiðslum.

María var sigursæl hérna heima á þessu ári:

    Íslandsmeistari í stórsvigi í kvennaflokki

    Íslandsmeistari í alpatvíkeppni í kvennaflokki

    2.sæti í stórsvigi á Skíðamóti Íslands 2013

    2.sæti í samhliðasvigi á Skíðamóti Íslands 2013

    Íslandsmeistari í svigi í flokki 18-20 ára

    Íslandsmeistari í stórsvigi í flokki 18-20 ára

    Íslandsmeistari í alpatvíkeppni í flokki 18-20 ára

María tók þátt á HM fullorðinna í Schladming í Aursturríki og HM unglinga í Quebec í Kanada, ásamt því að taka þátt í mörgum alþjóðlegum FIS mótum erlendis, hérna eru helstu afrek hennar á mótum erlendis árið 2013:

    HM fullorðinna - 52.sæti í svigi

    Alþjóðlegt FIS mót í Noregi - 1.sæti í svigi

    Alþjóðlegt FIS mót í Noregi - 2.sæti í svigi (2 sinnum)

    Alþjóðlegt FIS mót í Noregi - 3.sæti í svigi

    Alþjóðlegt FIS mót í Noregi - 5.sæti í svigi (4 sinnum)

María er búin að ná lágmörkum fyrir Vetrarólympíuleikana í Sochi 2014 og eins og staðan er núna er hún á leiðinni þangað.