Ótrúlegar aðstæður í Philadelphia | Magnaðar myndir

Það er spilað í NFL-deildinni alveg sama hvernig veðrið er. Því fengu leikmenn Philadelphia Eagles og Detroit Lions að kynnast í gær í eftirminnilegum leik.

Það voru snjóskaflar á vellinum og snjónum kyngdi niður lungann úr leiknum. Svo mikil var snjókoman að vart sást inn á völlinn lengi vel og leikmenn áttu hreinlega erfitt með að fóta sig á vellinum.

Leikmenn Philadelphia kunnu þó betur við sig í snjónum því þeir unnu sannfærandi sigur, 34-20.

Magnaðar myndir úr þessum ótrúlega leik má sjá hér að ofan.