Körfuboltaleikjum flýtt vegna landsleiksins

Þrátt fyrir að landsleikur Íslands og Króatíu og knattspyrnu verði í brennidepli á föstudag munu fleiri leikir fara fram þann ágæta dag.

Landsleikurinn í Laugardalnum hefst klukkan 19.15 og má reikna með því að fæstir íþróttaunnendur vilji missa af honum.

Viðureign Hauka og KFÍ í Domino's-deild karla í körfubolta hefur verið flýtt frá 19.15 til 17.30. Sömuleiðis hefur verið gerð breyting á leiktíma í tveimur leikjum í 1. deild karla.

Viðureign ÍA og Hattar verður klukkan 17 en ekki 19.15 Þá hefur leik Fjölnis og Breiðabliks verið frestað til sunnudagsins 17. nóvember.

Í fréttatilkynningu frá Körfuknattleikssambandi Íslands kemur fram að leikir í yngri flokkum verði einnig færðir til.