Hjón veðjuðu á NFL leik og mátti sigurvegarinn skjóta maka sinn með rafbyssu

Heldur skondinn atburður átti sér stað í Bandaríkjunum milli hjóna sem halda með sitthvoru liðinu í NFL deildinni. 

Eiginmaðurinn er mikill Chicago Bears aðdáandi og eiginkonan gríðarlegur Green Bay Packers aðdáandi.

Veðmál milli þeirra fór heldur betur úr böndunum svo vægt sé til orða tekið.

Liðin mættust í NFL-deildinni á mánudagskvöldið en Chicago Bears vann leikinn 27-20. Hjónin ákváðu að veðja um leikinn og voru engir peningar undir, heldur mátti sigurvegarinn skjóta þann sem tapaði með rafbyssu.

John Grant gaf eiginkonu sinni rafstuð með því að þrýsta tækinu að henni í þrígang með rafbyssu og fóru  nokkur hundruð volt í gegnum líkama hennar á örskotstundu.

Konan tilkynnti atburðinn til lögreglunnar og var Grant handtekinn. Maðurinn gæti átt yfir höfðu sér allt að sex ára fangelsi.