Umfjöllun, viðtöl og tölfræði: Fram - HK 29-23 Elvar Geir Magnússon í Safamýri skrifar 26. september 2013 21:30 Mynd/Daníel Íslandsmeistarar Fram spiluðu vel í kvöld og unnu sanngjarnan 29-23 sigur er HK kom í heimsókn í Safamýrina. Jafnræði var með liðunum í sveiflukenndum fyrri hálfleik þar til Framarar spýttu í lófana skömmu fyrir hlé og tóku yfirhöndina. Eftir hálfleik héldu þeir áfram á fullu gasi og sáu til þess að spennu var ekki hleypt í leikinn. Þarna voru að mætast Íslandsmeistarar síðustu tveggja ára en síðan þá hefur mikið magn vatns runnið til sjávar og fyrir mótið var þessum liðum spáð tveimur neðstu sætunum. Framarar voru baráttuglaðir í kvöld og léku með hjartanu. HK byrjaði vel en fátt gekk upp hjá liðinu þegar líða fór á leikinn. Ekki varð staðan betri þegar Daníel Berg Grétarsson meiddist á hné, fór af velli á börum og var svo fluttur upp á sjúkrahús. Fram slappað aldrei af og náði mikilvægum sigri eftir að hafa fengið skell í fyrstu umferð. Það verður að hrósa Dananum í marki Fram einnig. Hann varði vel og oft á tíðum mjög erfið skot. Rigtig god. Tók alls 21 skot þegar allt er talið saman.Leó Snær: Ekki raunverulegur munur á liðunumLeó Snær Pétursson átti flottan leik fyrir HK í kvöld, skoraði sex mörk, en þau dugðu skammt gegn Frömurum. "Þetta byrjaði ágætlega en í seinni hálfleik var eins og við hefðum gefist upp. Mér fannst þetta ekki vera raunverulegur munur á liðunum. Við áttum miklu meira inni að mínu mati," sagði Leó eftir leikinn. "Það var eins og við misstum bara trúna og allt í einu fórum við að klikka á ótrúlegustu hlutum. Eitthvað sem við vorum ekki að gera á móti FH til dæmis. Það var meginástæðan fyrir þessum úrslitum fannst mér." "Það var skarð fyrir skildi að missa svo Daníel Berg meiddan af velli. Ég vona að þetta sé ekki alvarlegt samt." Þessum tveimur liðum var spáð neðstu sætum deildarinnar. Eru þetta tvö slökustu lið deildarinnar? "Ekki að mínu mati. Langt í frá. En við erum að spila okkur ennþá saman. Við virðumst eiga smá í land ennþá en komum vonandi sterkir í næsta leik. Við lyftum hausnum bara upp, það þýðir ekki að grafa sig niður út af þessu. Tímabilið er nýbyrjað," sagði Leó Snær.Garðar Sigurjóns: Þessar treyjur eru drasl Framarar töpuðu illa fyrir Akureyri í fyrstu umferð deildarinnar en allt annað var að sjá til liðsins í kvöld. Hinn baráttuglaði Garðar Sigurjónsson var sáttur með leikinn í kvöld. "Leikurinn fyrir norðan var allt í lagi varnarlega í fyrri hálfleik en slakur sóknarlega. Seinni hálfleikurinn var svo algjört drasl. En núna er ég mjög ánægður með allan leikinn. Við hefðum getað nýtt færin aðeins betur en heilt yfir mjög sáttur," sagði Garðar. "Þetta var sveiflukennt í fyrri hálfleiknum en svo þegar það voru um það bil sjö mínútur eftir af fyrri hálfleiknum tókum við völdin. Við töluðum um það í hálfleiknum að við ætluðum ekki að slaka á. Þó að við myndum klúðra fyrsta skoti eða fá á okkur mark þá var bara málið að halda áfram." "Við vitum alveg hvað HK getur. Þeir sýndu það á móti FH í síðasta leik þar sem þeir rúlluðu yfir þá í seinni hálfleik. Við ætluðum ekki að láta það gerast hjá okkur." Flottur karakter hjá Fram í kvöld eftir skellinn í fyrsta leik. "Þetta var mjög flottur karakter. Við sýndum það gegn ÍR í meistarar meistaranna að við ætlum ekki að gefast upp. Hvað gerðist á Akureyri veit ég ekki. Ég get lofað ykkur því að við ætlum ekki að gefast upp, alveg sama hver mótherjinn er." "Liðið okkar er mikið breytt frá því í fyrra og sárafáir eftir sem spiluðu stór hlutverk. En maður kemst langt á baráttunni og hjartanu... það verður örugglega fyrirsögnin," sagði Garðar kíminn. "Við vitum að á blaði erum við ekki með sterkasta hópinn og vitum að við þurfum að berjast Það geta allir barist. HK sýndi gegn FH hverju baráttan getur skilað." Treyja Garðars rifnaði snemma leiks í kvöld. "Þetta gerðist eftir tvær sóknir og gerðist líka á móti ÍR. Ég kom inn gegn ÍR og treyjan var strax farin. Þetta er algjört drasl." Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Íslandsmeistarar Fram spiluðu vel í kvöld og unnu sanngjarnan 29-23 sigur er HK kom í heimsókn í Safamýrina. Jafnræði var með liðunum í sveiflukenndum fyrri hálfleik þar til Framarar spýttu í lófana skömmu fyrir hlé og tóku yfirhöndina. Eftir hálfleik héldu þeir áfram á fullu gasi og sáu til þess að spennu var ekki hleypt í leikinn. Þarna voru að mætast Íslandsmeistarar síðustu tveggja ára en síðan þá hefur mikið magn vatns runnið til sjávar og fyrir mótið var þessum liðum spáð tveimur neðstu sætunum. Framarar voru baráttuglaðir í kvöld og léku með hjartanu. HK byrjaði vel en fátt gekk upp hjá liðinu þegar líða fór á leikinn. Ekki varð staðan betri þegar Daníel Berg Grétarsson meiddist á hné, fór af velli á börum og var svo fluttur upp á sjúkrahús. Fram slappað aldrei af og náði mikilvægum sigri eftir að hafa fengið skell í fyrstu umferð. Það verður að hrósa Dananum í marki Fram einnig. Hann varði vel og oft á tíðum mjög erfið skot. Rigtig god. Tók alls 21 skot þegar allt er talið saman.Leó Snær: Ekki raunverulegur munur á liðunumLeó Snær Pétursson átti flottan leik fyrir HK í kvöld, skoraði sex mörk, en þau dugðu skammt gegn Frömurum. "Þetta byrjaði ágætlega en í seinni hálfleik var eins og við hefðum gefist upp. Mér fannst þetta ekki vera raunverulegur munur á liðunum. Við áttum miklu meira inni að mínu mati," sagði Leó eftir leikinn. "Það var eins og við misstum bara trúna og allt í einu fórum við að klikka á ótrúlegustu hlutum. Eitthvað sem við vorum ekki að gera á móti FH til dæmis. Það var meginástæðan fyrir þessum úrslitum fannst mér." "Það var skarð fyrir skildi að missa svo Daníel Berg meiddan af velli. Ég vona að þetta sé ekki alvarlegt samt." Þessum tveimur liðum var spáð neðstu sætum deildarinnar. Eru þetta tvö slökustu lið deildarinnar? "Ekki að mínu mati. Langt í frá. En við erum að spila okkur ennþá saman. Við virðumst eiga smá í land ennþá en komum vonandi sterkir í næsta leik. Við lyftum hausnum bara upp, það þýðir ekki að grafa sig niður út af þessu. Tímabilið er nýbyrjað," sagði Leó Snær.Garðar Sigurjóns: Þessar treyjur eru drasl Framarar töpuðu illa fyrir Akureyri í fyrstu umferð deildarinnar en allt annað var að sjá til liðsins í kvöld. Hinn baráttuglaði Garðar Sigurjónsson var sáttur með leikinn í kvöld. "Leikurinn fyrir norðan var allt í lagi varnarlega í fyrri hálfleik en slakur sóknarlega. Seinni hálfleikurinn var svo algjört drasl. En núna er ég mjög ánægður með allan leikinn. Við hefðum getað nýtt færin aðeins betur en heilt yfir mjög sáttur," sagði Garðar. "Þetta var sveiflukennt í fyrri hálfleiknum en svo þegar það voru um það bil sjö mínútur eftir af fyrri hálfleiknum tókum við völdin. Við töluðum um það í hálfleiknum að við ætluðum ekki að slaka á. Þó að við myndum klúðra fyrsta skoti eða fá á okkur mark þá var bara málið að halda áfram." "Við vitum alveg hvað HK getur. Þeir sýndu það á móti FH í síðasta leik þar sem þeir rúlluðu yfir þá í seinni hálfleik. Við ætluðum ekki að láta það gerast hjá okkur." Flottur karakter hjá Fram í kvöld eftir skellinn í fyrsta leik. "Þetta var mjög flottur karakter. Við sýndum það gegn ÍR í meistarar meistaranna að við ætlum ekki að gefast upp. Hvað gerðist á Akureyri veit ég ekki. Ég get lofað ykkur því að við ætlum ekki að gefast upp, alveg sama hver mótherjinn er." "Liðið okkar er mikið breytt frá því í fyrra og sárafáir eftir sem spiluðu stór hlutverk. En maður kemst langt á baráttunni og hjartanu... það verður örugglega fyrirsögnin," sagði Garðar kíminn. "Við vitum að á blaði erum við ekki með sterkasta hópinn og vitum að við þurfum að berjast Það geta allir barist. HK sýndi gegn FH hverju baráttan getur skilað." Treyja Garðars rifnaði snemma leiks í kvöld. "Þetta gerðist eftir tvær sóknir og gerðist líka á móti ÍR. Ég kom inn gegn ÍR og treyjan var strax farin. Þetta er algjört drasl."
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira