Murray mun ekki verja titilinn á Opna bandaríska

Andy Murray mun ekki verja titil sinn á Opna bandaríska meistaramótinu í Tennis en hann tapaði illa fyrir Stanislas Wawrinka 6-4, 6-3 og 6-2 á Flushing Meadows-vellinum í Bandaríkjunum.

Murray hefur átt í erfileikum með að finna sig eftir að hann vann Wimbledon mótið í sumar fyrir tveimur mánuðum.

„Þetta var erfiður dagur fyrir mig,“ sagði Murray við BBC eftir leikinn í kvöld.

„Andstæðingurinn lék frábærlega í kvöld og uppgjafir hans voru magnaðar í allt kvöld.“

Wawrinka er kominn í undanúrslit á mótinu og hefur hann aldrei náð eins langt á stórmóti. Þar mætir hann Novak Djokovic.