Ungfrú Sviss býður Federer heim til sín

Roger Federer hefur átt í basli að undanförnu en hann tapaði nýlega fyrir leikmanni sem er númer 55 á heimslistanum í tennis.

Federer féll þar að auki óvenju snemma úr leik á Wimbledon-mótinu fyrr í þessu mánuði og virðist eiga erfitt með að finna sitt gamla form.

Svissneska blaðið Blick ræddi við nokkra þekktra einstaklinga í Sviss til að gefa Federer ráð. Einn viðmælendanna, Christa Rigozzi, var með réttu svörin.

„Roger þarf af á hvíld að halda, bæði fyrir líkama og sál. Ég býð honum, Mirku og börnunum þeirra að heimsækja mig til Tessen þar sem ég á nýtt hús. Það er afskekkt og þar fengi hann frið fyrir ljósmyndurum,“ sagði Rigozzi sem var eitt sinn kjörin ungfrú Sviss.