Matthías og Apostol búnir að verja HM-liðin

Landsliðsþjálfararnir í blaki, Matthías Haraldsson hjá konunum og Apostol Apostolov hjá körlunum, eru búnir að velja lokahópa sína fyrir undankeppni HM en þetta er í fyrsta sinn sem Ísland tekur þátt í heimsmeistaramótinu. Liðin halda svo bæði á Smáþjóðaleikana í kjölfarið. Þetta kemur fram á heimasíðu Blaksambandsins Íslands.

Matthías Haraldsson er landsliðsþjálfari kvennalandsliðs Íslands en hann er að stýra liðinu í fyrsta sinn. Honum til aðstoðar er Einar Sigurðsson. Enginn nýliði er í hópnum.

Kvennaliðið leikur í F riðli í undankeppni HM innan Evrópu. Mótið fer fram í Daugavpils í Lettlandi dagana 24.-26. maí næstkomandi og eru mótherjar liðsins Lettland, Eistland og Litháen. Ísland hefur aldrei leikið landsleik við neina af þessum þjóðum.

Að móti loknu í Lettlandi heldur liðið áfram för sinni á Smáþjóðaleikana í Luxemborg en þeir hefjast formlega 27. maí og fyrsti keppnisdagur er 28. maí. Þar mætir liðið heimaliðinu í Luxemborg, Kýpur og San Marino.

Kvennalandslið Íslands vorið 2013

Jóna Guðlaug Vigfúsdóttir, VC Kanti Schaffhausen

Fríða Sigurðardóttir, HK

Kristina Apostolova, Aftureldingu

Elsa Sæný Valgeirsdóttir, HK

Erla Rán Eiríksdóttir, Þrótti Nes

Auður Anna Jónsdóttir, Aftureldingu

Berglind Gígja Jónsdóttir, HK

Hulda Elma Eysteinsdóttir, Þrótti Nes

Birta Björnsdóttir, Montevallo USA

Ásthildur Gunnarsdóttir, Stjörnunni

Hjördís Eiríksdóttir, Stjörnunni

Þorbjörg Ólöf Jónsdóttir, Þrótti Nes



Apostol Apostolov þjálfar karlalandslið Íslands og honum til aðstoðar er Vignir Þröstur Hlöðversson. Apostol stillir upp 14 manna leikmannahópi og eru tveir erlendir leikmenn á lista sem eru aðeins gjaldgengir í Smáþjóðaleikunum. Aðeins er einn nýliði í hópnum, Halldór Ingi Kárason frelsingi úr Þrótti Reykjavík.

Ísland leikur í E riðli undakeppni HM innan Evrópu sem verður í Halmstad í Svíþjóð. Mótherjar liðsins eru Svíar, Grikkir og Norðmenn. Ísland hefur aldrei leikið landsleik gegn Grikklandi en liðið lék gegn Svíþjóð a.m.k. árið 1986 og íslenska karlalandsliðið lék sinn fyrsta landsleik einmitt gegn Norðmönnum í Íþróttaskemmunni á Akureyri árið 1974.

Að móti loknu í Svíþjóð heldur liðið áfram för sinni á Smáþjóðaleikana í Luxemborg þar sem liðið mætir heimamönnum, Kýpur, San Marino og Monakó.

Karlalandslið Íslands vorið 2013

Valgeir Valgeirsson, Þrótti Nes

Kristján Valdimarsson, Marienlyst

Lúðvík Már Matthíasson, HK

Ingólfur Hilmar Guðjónsson, HK

Orri Þór Jónsson, HK

Róbert Karl Hlöðversson, Stjörnunni

Hafsteinn Valdimarsson, Marienlyst

Alexander Stefánsson, HK

Kjartan Fannar Grétarsson, Þrótti Reykjavík

Vignir Þröstur Hlöðversson, Stjörnunni

Reynir Árnason, Aftureldingu

Halldór Ingi Kárason, Þrótti Reykjavík

Piotr Kempisty, KA

Filip Szewczyk, KA