Umfjöllun og viðtöl: Haukar - Akureyri 24-20 | Taphrina Hauka á enda Óskar Ófeigur Jónsson skrifar 21. febrúar 2013 14:22 Mynd/Craney Haukar enduðu þriggja leikja taphrinu sína með sannfærandi fjögurra marka sigri á Akureyri, 24-20, í leik liðanna í Schenkerhöllinni á Ásvöllum í kvöld í 16. umferð N1 deildar karla í handbolta. Sigur Hauka var öruggur þótt að liðið hafi aðeins misst niður gott forskot sitt í lokin. Aron Rafn Eðvarðsson í marki Hauka var besti maður vallarsins en hann varði 21 skot og yfir 50 prósent skota sem komu á hann. Gylfi Gylfason skoraði sex mörk fyrir Hauka eins og Sigurbergur Sveinsson. Bergvin Þór Gíslason var yfirburðarmaður hjá Akureyrarliðunu. Haukarnir náðu sex marka forskoti fyrir hálfleik, 14-8, og voru með leikinn í öruggum höndum eftir það. Þeir gerðu síðan nánast út um leikinn með því að skora tvö fyrstu mörk seinni hálfleiks og komast átta mörkum yfir. Akureyringar náðu að minnka muninn í fjögur mörk þegar tæpar tvær mínútur voru eftir að leiknum eftir smá hik og hikst í sóknarleik Hauka. Aron Kristjánsson tókk leikhlé á hárrréttum tíma og Haukum tókst að landa langþráðum sigri. Akureyringar léku enn einu sinn án Bjarna Fritsonar og þá gat Heimir Örn Árnason lítið sem ekkert beitt sér í sókninni. Meiðslin hafa leikið Akureyringa grátt og eiga mikinn þátt í slæmu gengi liðsins undanfarið. Liðið átti nokkra góða spretti en norðanmenn fóru illa með mörg dauðafæri gegn Aroni Rafni Eðvarðssyni í marki Hauka og það vóg þungt í lokin. Akureyringar voru skrefinu á undan í upphafi leiks en svo tóku Haukarnir frumkvæðið eftir að þeir komust fyrst yfir í 4-3. Haukarnir náði fyrst þriggja marka forystu eftir 17 mínútna leik, 8-5 en Sigurbergur Sveinsson var allt í öllu í fyrri hluta hálfleiksins og skoraði meðal annars fjögur af fyrstu fimm mörkum Hauka í leiknum. Haukarnir lögðu síðan grunninn að frábærri stöðu í hálfeik með því að breyta stöðunni úr 9-7 í 13-7 eftir að Aron Kristjánsson, þjálfari Hauka, "rændi" leikhléi Akureyringa. Akureyri tók leikhlé en Aron notaði tækifærið til að breyta í framliggjandi vörn sem Akureyringar áttu í miklum vandræðum með út hálfleikinn. Haukar skoruðu tvö fyrstu mörk seinni hálfleiksins og voru komnir með átta marka forskot, 16-8. Akureyringar náðu muninum fljótt niður í fimm mörk aftur en komust ekki lengra fyrr en þegar lítið var eftir af leiknum og þá var það bara of seint. Gylfi: Þetta voru engir krísufundirGylfi Gylfason skoraði sex mörk fyrir Hauka í kvöld og átti fínan leik. Honum var augljóslega létt í leikslok eins og öðrum leikmönnum Haukaliðsins enda langþráður Haukasigur í höfn. „Þetta var mjög ljúft og mjög gott að koma með einn sigur núna. Við vorum búnir að tapa þremur leikjum í röð þannig að þetta var kærkomið," sagði Gylfi. „Það var aðeins búið að ræða málin en þetta voru engir krísufundir. Okkar gengi í síðustu þremur leikjum var ekki ásættanlegt að okkar mati. Við erum að reyna að vinna í okkar málum og erum engan veginn komnir á endastöð. Þetta var allavega skref í rétta átt," sagði Gylfi. „Þetta var í rauninni aldrei í hættu en við þurftum að hafa fyrir þessu og gerðum þetta ekki með vinstri. Það var bara mjög gott að fá svona leik og ná að spila það sem við höfum verið að gera á æfingum undanfarnar vikur. Menn sáu að það virkar og þá fá menn trú á þessu aftur," sagði Gylfi. „Við erum aðeins að nýta breiddina betur í sókninni, vörnin stendur betur og þá fáum við hraðaupphlaup. Þegar eitt kemur þá fáum við hitt líka. Það er alltaf best að halda lélegu tímabilunum sem styðstum og nú verðum við bara að kýla á þetta.," sagði Gylfi. Heimir Örn: Guðmundur var fárveikur í dag„Þetta voru bara aragrúi af dauðafærum þar sem landsliðsmarkvörðurinn tók okkur. Hann tók örugglega einhver fimm hraðaupphlaup og annað eins af dauðafærum. Það má enginn við því," sagði Heimir Örn Árnason, annar þjálfara Akureyrar og sá eini sem spilaði í kvöld. „Ég var ágætlega sáttur við varnarleikinn. Guðmundur var fárveikur í dag en spilaði samt mjög vel varnarlega. Það vantaði skiljanlega kraft í hann sóknarlega," sagði Heimir Örn. „Ég veit ekki hvernig ástandið væri á liðinu ef að við hefðum ekki unnið þennan bikarleik. Nú er bara hver leikur hér eftir úrslitaleikur fyrir okkur í botnbaráttunni. Það er reyndar stutt í fjórða sætið þannig að það er stutt á milli. Þetta er mjög spennandi deild og það er gaman af þessu," sagði Heimir. „Ef að Valur vinnur á eftir þá er þetta fjögurra liða pakki og jafnvel fimm liða pakki í fallbaráttunni. Þetta hefur aldrei verið svona spennandi og það er bara gaman af því enda flott fyrir deildina," sagði Heimir. Aron Rafn: Ég hefði viljað vinna þetta stærraAron Rafn Eðvarðsson átti flottan leik í marki Hauka í kvöld en hann varði 51 prósent þeirra skota sem á hann komu og mörg þeirra úr dauðafærum. Aron Rafn var líka kátur í leikslok. „Það er rosalega gott að ná loksins sigrinum því þetta var orðið ansi þreytt," sagði Aron Rafn léttur í leikslok en Haukar voru búnir að tapa þremur leikjum í röð. „Það voru alls engir krísufundir. Við tökum okkur saman í andlitinu sjálfir því þetta var svolítið persónulegt. Við vorum farnir að hugsa um að tapa ekki í stað þess að reyna að vinna leikina. Við sýndum það í dag að við erum ekki dauðir úr öllum æðum og erum tilbúnir í lokaumferðirnar," sagði Aron Rafn. „Ég var mjög góður og mjög ánægður með sjálfan mig. Ég er búinn að ná tveimur leikjum í röð með yfir fimmtíu prósent markvörslu og það er mjög gott. Ég ætla að reyna að halda því áfram," sagði Aron. „Ég hefði persónulega viljað vinna þetta stærra því við vorum komnir sjö og átta mörkum yfir. Þá kom smá hikst í stað þess að við héldum áfram og bættum við. Maður fær ekki allt sem maður vill og þetta var frábær sigur hjá okkur í dag," sagði Aron Rafn. „Núna er vonandi þessi slæmi kafli búinn. Við hugsum bara um einn leik í einu og ætlum að reyna að taka þennan deildarmeistaratitil sem er mjög erfiður. Það var því mjög gott að vinna þennan leik," sagði Aron. Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Haukar enduðu þriggja leikja taphrinu sína með sannfærandi fjögurra marka sigri á Akureyri, 24-20, í leik liðanna í Schenkerhöllinni á Ásvöllum í kvöld í 16. umferð N1 deildar karla í handbolta. Sigur Hauka var öruggur þótt að liðið hafi aðeins misst niður gott forskot sitt í lokin. Aron Rafn Eðvarðsson í marki Hauka var besti maður vallarsins en hann varði 21 skot og yfir 50 prósent skota sem komu á hann. Gylfi Gylfason skoraði sex mörk fyrir Hauka eins og Sigurbergur Sveinsson. Bergvin Þór Gíslason var yfirburðarmaður hjá Akureyrarliðunu. Haukarnir náðu sex marka forskoti fyrir hálfleik, 14-8, og voru með leikinn í öruggum höndum eftir það. Þeir gerðu síðan nánast út um leikinn með því að skora tvö fyrstu mörk seinni hálfleiks og komast átta mörkum yfir. Akureyringar náðu að minnka muninn í fjögur mörk þegar tæpar tvær mínútur voru eftir að leiknum eftir smá hik og hikst í sóknarleik Hauka. Aron Kristjánsson tókk leikhlé á hárrréttum tíma og Haukum tókst að landa langþráðum sigri. Akureyringar léku enn einu sinn án Bjarna Fritsonar og þá gat Heimir Örn Árnason lítið sem ekkert beitt sér í sókninni. Meiðslin hafa leikið Akureyringa grátt og eiga mikinn þátt í slæmu gengi liðsins undanfarið. Liðið átti nokkra góða spretti en norðanmenn fóru illa með mörg dauðafæri gegn Aroni Rafni Eðvarðssyni í marki Hauka og það vóg þungt í lokin. Akureyringar voru skrefinu á undan í upphafi leiks en svo tóku Haukarnir frumkvæðið eftir að þeir komust fyrst yfir í 4-3. Haukarnir náði fyrst þriggja marka forystu eftir 17 mínútna leik, 8-5 en Sigurbergur Sveinsson var allt í öllu í fyrri hluta hálfleiksins og skoraði meðal annars fjögur af fyrstu fimm mörkum Hauka í leiknum. Haukarnir lögðu síðan grunninn að frábærri stöðu í hálfeik með því að breyta stöðunni úr 9-7 í 13-7 eftir að Aron Kristjánsson, þjálfari Hauka, "rændi" leikhléi Akureyringa. Akureyri tók leikhlé en Aron notaði tækifærið til að breyta í framliggjandi vörn sem Akureyringar áttu í miklum vandræðum með út hálfleikinn. Haukar skoruðu tvö fyrstu mörk seinni hálfleiksins og voru komnir með átta marka forskot, 16-8. Akureyringar náðu muninum fljótt niður í fimm mörk aftur en komust ekki lengra fyrr en þegar lítið var eftir af leiknum og þá var það bara of seint. Gylfi: Þetta voru engir krísufundirGylfi Gylfason skoraði sex mörk fyrir Hauka í kvöld og átti fínan leik. Honum var augljóslega létt í leikslok eins og öðrum leikmönnum Haukaliðsins enda langþráður Haukasigur í höfn. „Þetta var mjög ljúft og mjög gott að koma með einn sigur núna. Við vorum búnir að tapa þremur leikjum í röð þannig að þetta var kærkomið," sagði Gylfi. „Það var aðeins búið að ræða málin en þetta voru engir krísufundir. Okkar gengi í síðustu þremur leikjum var ekki ásættanlegt að okkar mati. Við erum að reyna að vinna í okkar málum og erum engan veginn komnir á endastöð. Þetta var allavega skref í rétta átt," sagði Gylfi. „Þetta var í rauninni aldrei í hættu en við þurftum að hafa fyrir þessu og gerðum þetta ekki með vinstri. Það var bara mjög gott að fá svona leik og ná að spila það sem við höfum verið að gera á æfingum undanfarnar vikur. Menn sáu að það virkar og þá fá menn trú á þessu aftur," sagði Gylfi. „Við erum aðeins að nýta breiddina betur í sókninni, vörnin stendur betur og þá fáum við hraðaupphlaup. Þegar eitt kemur þá fáum við hitt líka. Það er alltaf best að halda lélegu tímabilunum sem styðstum og nú verðum við bara að kýla á þetta.," sagði Gylfi. Heimir Örn: Guðmundur var fárveikur í dag„Þetta voru bara aragrúi af dauðafærum þar sem landsliðsmarkvörðurinn tók okkur. Hann tók örugglega einhver fimm hraðaupphlaup og annað eins af dauðafærum. Það má enginn við því," sagði Heimir Örn Árnason, annar þjálfara Akureyrar og sá eini sem spilaði í kvöld. „Ég var ágætlega sáttur við varnarleikinn. Guðmundur var fárveikur í dag en spilaði samt mjög vel varnarlega. Það vantaði skiljanlega kraft í hann sóknarlega," sagði Heimir Örn. „Ég veit ekki hvernig ástandið væri á liðinu ef að við hefðum ekki unnið þennan bikarleik. Nú er bara hver leikur hér eftir úrslitaleikur fyrir okkur í botnbaráttunni. Það er reyndar stutt í fjórða sætið þannig að það er stutt á milli. Þetta er mjög spennandi deild og það er gaman af þessu," sagði Heimir. „Ef að Valur vinnur á eftir þá er þetta fjögurra liða pakki og jafnvel fimm liða pakki í fallbaráttunni. Þetta hefur aldrei verið svona spennandi og það er bara gaman af því enda flott fyrir deildina," sagði Heimir. Aron Rafn: Ég hefði viljað vinna þetta stærraAron Rafn Eðvarðsson átti flottan leik í marki Hauka í kvöld en hann varði 51 prósent þeirra skota sem á hann komu og mörg þeirra úr dauðafærum. Aron Rafn var líka kátur í leikslok. „Það er rosalega gott að ná loksins sigrinum því þetta var orðið ansi þreytt," sagði Aron Rafn léttur í leikslok en Haukar voru búnir að tapa þremur leikjum í röð. „Það voru alls engir krísufundir. Við tökum okkur saman í andlitinu sjálfir því þetta var svolítið persónulegt. Við vorum farnir að hugsa um að tapa ekki í stað þess að reyna að vinna leikina. Við sýndum það í dag að við erum ekki dauðir úr öllum æðum og erum tilbúnir í lokaumferðirnar," sagði Aron Rafn. „Ég var mjög góður og mjög ánægður með sjálfan mig. Ég er búinn að ná tveimur leikjum í röð með yfir fimmtíu prósent markvörslu og það er mjög gott. Ég ætla að reyna að halda því áfram," sagði Aron. „Ég hefði persónulega viljað vinna þetta stærra því við vorum komnir sjö og átta mörkum yfir. Þá kom smá hikst í stað þess að við héldum áfram og bættum við. Maður fær ekki allt sem maður vill og þetta var frábær sigur hjá okkur í dag," sagði Aron Rafn. „Núna er vonandi þessi slæmi kafli búinn. Við hugsum bara um einn leik í einu og ætlum að reyna að taka þennan deildarmeistaratitil sem er mjög erfiður. Það var því mjög gott að vinna þennan leik," sagði Aron.
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira