Brynjar Jökull komst úrslit í svigi á heimsmeistarmótinu

Skíðakappinn Brynjar Jökull Guðmundsson hafnaði í 25. sæti í undankeppni í svigi karla á heimsmeistaramótinu í alpaíþróttum í Schladming í Austurríki í fyrr í dag.

Magnaður árangur hjá kappanum en hann er nú kominn í úrslit sem fram fara á morgun.

Brynjar Jökull fór fyrri ferðina á 58,88 sekúndum og var þá í 28. sæti eftir fyrri ferð þegar kappinn fór niður í seinni skiptið var hann á tímanum 59,42 sekúndum og samanlagt á tímann 1,58.30 mínútur sem gerði það að verkum að hann hafnaði í 25. sæti sem dugði í úrslit.