Hjördís og Rafn sigurvegarar á fyrsta Stórmóti TSÍ í ár

Fyrsta Stórmót Tennissambands Íslands fór fram um helgina í Tennishöllinni Kópavogi. Hjördís Rósa Guðmundsdóttir úr Badmintonfélagi Hafnafjarðar og Rafn Kumar Bonifacius úr Tennisdeild Víkings sigruðu í einliðaleik í kvenna- og karlaflokki.

Hjördís sigraði Önnu Soffíu Grönholm úr Tennisfélagi Kópavogs í úrslitaleik í kvennaflokki 6-0 og 6-3 en í karlaflokki hafði Rafn Kumar betur gegn föður sínum Raj K. Bonifacius 6-2 og 6-1 í úrslitum.

Í þriðja sæti varð Vladimir Ristic úr Tennisfélagi Kópavogs eftir sigur á Stefáni Reyni Pálssyni úr Tennisdeild Víkings 6-3 og 6-3.

Í 14 ára og yngri hjá stelpum vann Melkorka Pálsdóttir.

Í 14 ára og yngri hjá strákum vann Sigurjón Ágústsson.

Í 12 ára og yngri hjá stelpum vann Sara Lind Þorkelsdóttir.

Í 12 ára og yngri hjá strákum vann Ivan Kumar Bonifacius.