Leikmaður Dallas lést í bílslysi | Liðsfélagi handtekinn

Áföllin halda áfram að dynja á NFL-deildinni. Um síðustu helgi framdi leikmaður deildarinnar sjálfsmorð eftir að hafa myrt unnustu sína. Í gær dó einn leikmaður Dallas Cowboys í bílslysi.

Sá hét Jerry Brown. Liðsfélagi hans, Josh Brent, hefur verið handtekinn og kærður fyrir manndráp en hann var drukkinn á bílnum.

Brent keyrði allt of hratt sem endaði með því að hann keyrði á kant og bíllinn valt í kjölfarið. Brown fannst meðvitundarlaus á slysstað og var úrskurðaður látinn er komið var á spítala.