Umfjöllun og viðtöl: Afturelding - HK 28-28 Henry Birgir Gunnarsson í Mosfellsbæ skrifar 22. nóvember 2012 14:07 Jafntefli varð niðurstaðan í einum skrautlegasta leik vetrarins í N1-deild karla. HK sótti þá Aftureldingu heim í Mosfellsbæ. HK byrjaði leikinn mun betur og komst fljótt í 1-4. Afturelding vann sig þó hægt og sígandi inn í leikinn og náði að jafna í stöðunni 7-7. Í kjölfarið náðu heimamenn smá tökum á leiknum og leiddu fram að hálfleik. Mestur var munurinn þrjú mörk, 14-11, en tveim mörkum munaði í hálfleik. 15-13. Heimamenn voru beittari á fyrstu mínútum síðari hálfleiks. Eftir tíu mínútur af seinni hálfleik var munurinn orðinn fimm mörk, 22-17. Þá var Kristni Guðmundssyni, þjálfara HK, nóg boðið og hann tók leikhlé. Það svínvirkaði því HK komst í kjölfarið á mikið flug. Leikmenn fóru að taka á heimamönnum í vörninni og það skilaði hraðaupphlaupum. HK náði að jafna, 22-22, þegar 13 mínútur voru eftir og spennandi lokakafli fram undan. Þeir komust svo yfir og gott betur því HK náði þriggja marka forskoti, 23-26. 9-1 kafli hjá þeim sem var með ólíkindum. Héldu flestir að heimamenn væru bugaðir en svo var alls ekki. Þeir rifu sig upp á afturendanum og náðu að jafna, 27-27, þegar ein og hálf mínúta var eftir. Bæði lið skoruðu eitt í viðbót og þar við sat. HK fékk síðustu sóknina en hún var skelfilega útfærð. Liðið kom ekki skoti á markið. Jafnteflið líklega sanngjarnt þegar upp var staðið í þessum skrautlega leik. Leikurinn var hrikalega kaflaskiptur. Bæði lið skiptust á að eiga góða og slæma kafla. Garðar Svansson HK-ingur heillaði mig þó mest í þessum leik. Bjarki Már Elísson var öflugur hjá HK sem og Ólafur Víðir og Atli Karl. Arnór átti flotta spretti í markinu. Örn Ingi dró vagninn lengi vel hjá heimamönnum og Pétur Júníusson kom sterkur inn. Svo varði Davíð oft vel.Reynir: Við fórum inn í okkur "Við vorum með fimm marka forskot í seinni hálfleik og því er ég svekktur. Að sama skapi er ég ánægður að ná jafntefli úr því sem komið er. Strákarnir sýndu flottan karakter með því að koma til baka," sagði Reynir Þór Reynisson, þjálfari Aftureldingar, en þetta var fyrsta stig liðsins á heimavelli í vetur. "Það var mikilvægt að brjóta ísinn og næst kemur sigur. Heilt yfir er ég nokkuð sáttur við leikinn. Sóknarleikurinn var flottur. Við áttum inni í varnarleiknum en hann var miklu betri í seinni hálfleik. "Við erum að læra að vinna og það mun koma með tíð og tíma að læra að halda svona forskoti. Við fórum inn í okkur í stað þess að vera ákveðnir og sækja mörk. Ég tek samt ekki af strákunum að þeir komu til baka. Samt er það eðlilega svekkjandi að vinna ekki."Kristinn: Áttum að klára þetta Kristni Guðmundssyni, þjálfara HK, vissi ekki alveg hvernig honum átti að líða eftir þennan rússibanaleik. "Ég veit ekki alveg hvernig mér líður en á endanum er ég temmilega sáttur við þetta. Það er ekkert grín að spila við Aftureldingu," sagði Kristinn en hans lið tók heldur betur við sér í stöðunni 22-17. "Þá bara vöknuðum við til lífsins. Fórum að gera hlutina almennilega og berja frá okkur. Það er samt sorglegt að falla í sömu gryfjuna og fyrr í leiknum undir lokin. Við áttum að klára þetta eftir að hafa náð 9-1 kafla. "Þetta var rússibani en það var margt jákvætt í okkar leik að þessu sinni. Strákar í liðinu sýndu karakter og neituðu að tapa. Ég er mjög ánægður með það. Með slíkt vopn í höndunum er hægt að gera ýmislegt." Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Jafntefli varð niðurstaðan í einum skrautlegasta leik vetrarins í N1-deild karla. HK sótti þá Aftureldingu heim í Mosfellsbæ. HK byrjaði leikinn mun betur og komst fljótt í 1-4. Afturelding vann sig þó hægt og sígandi inn í leikinn og náði að jafna í stöðunni 7-7. Í kjölfarið náðu heimamenn smá tökum á leiknum og leiddu fram að hálfleik. Mestur var munurinn þrjú mörk, 14-11, en tveim mörkum munaði í hálfleik. 15-13. Heimamenn voru beittari á fyrstu mínútum síðari hálfleiks. Eftir tíu mínútur af seinni hálfleik var munurinn orðinn fimm mörk, 22-17. Þá var Kristni Guðmundssyni, þjálfara HK, nóg boðið og hann tók leikhlé. Það svínvirkaði því HK komst í kjölfarið á mikið flug. Leikmenn fóru að taka á heimamönnum í vörninni og það skilaði hraðaupphlaupum. HK náði að jafna, 22-22, þegar 13 mínútur voru eftir og spennandi lokakafli fram undan. Þeir komust svo yfir og gott betur því HK náði þriggja marka forskoti, 23-26. 9-1 kafli hjá þeim sem var með ólíkindum. Héldu flestir að heimamenn væru bugaðir en svo var alls ekki. Þeir rifu sig upp á afturendanum og náðu að jafna, 27-27, þegar ein og hálf mínúta var eftir. Bæði lið skoruðu eitt í viðbót og þar við sat. HK fékk síðustu sóknina en hún var skelfilega útfærð. Liðið kom ekki skoti á markið. Jafnteflið líklega sanngjarnt þegar upp var staðið í þessum skrautlega leik. Leikurinn var hrikalega kaflaskiptur. Bæði lið skiptust á að eiga góða og slæma kafla. Garðar Svansson HK-ingur heillaði mig þó mest í þessum leik. Bjarki Már Elísson var öflugur hjá HK sem og Ólafur Víðir og Atli Karl. Arnór átti flotta spretti í markinu. Örn Ingi dró vagninn lengi vel hjá heimamönnum og Pétur Júníusson kom sterkur inn. Svo varði Davíð oft vel.Reynir: Við fórum inn í okkur "Við vorum með fimm marka forskot í seinni hálfleik og því er ég svekktur. Að sama skapi er ég ánægður að ná jafntefli úr því sem komið er. Strákarnir sýndu flottan karakter með því að koma til baka," sagði Reynir Þór Reynisson, þjálfari Aftureldingar, en þetta var fyrsta stig liðsins á heimavelli í vetur. "Það var mikilvægt að brjóta ísinn og næst kemur sigur. Heilt yfir er ég nokkuð sáttur við leikinn. Sóknarleikurinn var flottur. Við áttum inni í varnarleiknum en hann var miklu betri í seinni hálfleik. "Við erum að læra að vinna og það mun koma með tíð og tíma að læra að halda svona forskoti. Við fórum inn í okkur í stað þess að vera ákveðnir og sækja mörk. Ég tek samt ekki af strákunum að þeir komu til baka. Samt er það eðlilega svekkjandi að vinna ekki."Kristinn: Áttum að klára þetta Kristni Guðmundssyni, þjálfara HK, vissi ekki alveg hvernig honum átti að líða eftir þennan rússibanaleik. "Ég veit ekki alveg hvernig mér líður en á endanum er ég temmilega sáttur við þetta. Það er ekkert grín að spila við Aftureldingu," sagði Kristinn en hans lið tók heldur betur við sér í stöðunni 22-17. "Þá bara vöknuðum við til lífsins. Fórum að gera hlutina almennilega og berja frá okkur. Það er samt sorglegt að falla í sömu gryfjuna og fyrr í leiknum undir lokin. Við áttum að klára þetta eftir að hafa náð 9-1 kafla. "Þetta var rússibani en það var margt jákvætt í okkar leik að þessu sinni. Strákar í liðinu sýndu karakter og neituðu að tapa. Ég er mjög ánægður með það. Með slíkt vopn í höndunum er hægt að gera ýmislegt."
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira