Leikstjórnandi Dallas Cowboys, Tony Romo, átti skelfilegan leik í nótt þegar lið hans steinlá á heimavelli, 18-34, gegn Chicago Bears.
Romo kastaði fimm boltum í hendur andstæðinganna og vörn Bears skilaði tveimur af þessum boltum í endamarkið hjá Dallas.
Dallas er nú búið að vinna tvo leiki og tapa tveimur á meðan Chicago hefur unnið þrjá af fyrstu fjórum leikjum sínum.
Þetta var lokaleikur fjórðu umferðar en fimmta umferðin hefst aðfararnótt föstudags.
Birnirnir borðuðu Kúrekana
