Segja að Ari hafi verið beðinn um að draga framboðið til baka

Nokkuð hefur borið á því að stuðningsmenn Þóru séu að leitast eftir því að Ari Trausti Guðmundsson dragi framboð sitt tilbaka og lýsi yfir stuðningi við hana einungis svo Ólafur Ragnar Grímsson verði ekki endurkjörinn. Þetta fullyrða stuðningsmenn Ara Trausta á fésbókarsíðu hans.

Framboð Þóru Arnórsdóttur harðneitar þessu. „Þóra Arnórsdóttir nýtur stuðnings 37-38% þjóðarinnar, samkvæmt skoðanakönnunum. Ég ætla ekki að svara fyrir áttatíuþúsund manns. En þetta hefur aldrei nokkurn tímann verið rætt í herbúðum Þóru," segir Friðjón Friðjónsson, ráðgjafi Þóru.

Stuðningsmenn Ara segjast hvetja fólk til að fylgja eigin sannfæringu og kjósa þann sem þeim þykir hæfastur í embættið.

Sjá fésbókarsíðu framboðs Ara Trausta