Þóra náði lágmarksfjölda undirskrifta

Þóra Arnórsdóttir hefur náð lágmarksfjölda undirskrifta í öllum landshlutum vegna forsetaframboðs síns. Stuðningsmenn Þóru hófu söfnun meðmælenda í morgun.

Þóra tilkynnti um þetta á samskiptamiðlinum Twitter fyrir stuttu en þar segir: „Búið er að ná lágmarksfjölda undirskrifta í öllum landshlutum. Þið eruð stórkostleg! Takk!"

Söfnunin fór fram um allt land og tóku um það bil 320 manns þátt í henni.

Sjálf stóðu hjónin vaktina í Fjarðarkaupum og söfnuðu meðmælum.

Hópur fólks kom saman í heilsuverndarstöðinni að Barónsstíg 47 en þar verður aðalkosningaskrifstofa framboðsins.

Þóra þurfti að skila inn minnst 1.500 undirskrifum kosningabærra manna.