Scott Downard missti sigurverðlaunin í Cowtown-maraþonhlaupinu um helgina eftir að upp komst að hann hafi hlaupið undir fölsku flaggi en hlaupið fór fram í Fort Worth í Texas í Bandaríkjunum.
Downard viðurkenndi það fúslega strax eftir hlaupið að hafa aldrei skráð sjálfan sig til leiks heldur hafði hann hlaupið undir nafni vinar síns sem gat ekki tekið þátt í hlaupinu.
Hinn 25 ára Kolin Styles var því lýstur sigurvegari þrátt fyrir að koma rúmum sex mínútum seinna í mark en Downard. Styles vann sér þar með inn fría þátttöku á annaðhvort Boston eða New York maraþoninu.
Downard gaf það út að hann ætli að koma aftur á næsta ári til að vinna hlaupið "aftur" en ætlar að sjálfsögðu að passa þá upp á að skrá sig til leiks undir réttu nafni.
Það er erfitt að ímynda sér meira svekkjandi leiðir til þess að klúðra sigri í maraþonhlaupi nema kannski að taka vitlausa beygju á lokasprettinum.
Vann maraþon en var ekki skráður í hlaupið | Dæmdur úr leik
Óskar Ófeigur Jónsson skrifar

Mest lesið



„Ég vil drepa Manchester United“
Enski boltinn


Jón Þór hættur hjá ÍA
Íslenski boltinn


Hafa ekki efni á að borga „Man United skattinn“
Enski boltinn


Leita arftaka Jóns Þórs: „Hann tók þessu með mikilli reisn“
Íslenski boltinn
