Tilbúnir að fresta skaðabótamáli gegn Lárusi og Jóni Ásgeiri Þorbjörn Þórðarson skrifar 9. janúar 2012 18:30 Slitastjórn Glitnis ætlar að fallast á beiðni um að fresta aðalmeðferð í skaðabótamáli á hendur Lárusi Welding, Jóni Ásgeiri Jóhannessyni, Pálma Haraldssyni og fleirum vegna félagsins Aurum Holdings þangað til niðurstaða liggur fyrir í rannsókn sérstaks saksóknara vegna sama máls. Dómari getur frestað málinu að sjálfsdáðum. Það var í byrjun apríl 2010 sem slitastjórn Glitnis höfðaði skaðabótamál gegn Jóni Ásgeiri Jóhannesyni, Lárusi Welding, fyrrverandi forstjóra Glitnis, Pálma Haraldssyni og þremur fyrrverandi starfsmönnum Glitnis. Málið snýst um lánveitingu Glitnis til félagsins FS-38 ehf. sem var dótturfélag Fons, félagi Pálma, upp á sex milljarða króna hinn 16. júlí 2008 til að kaupa 30 prósenta hlut í Aurum Holdings Ltd. af Fons. Aurum Holdings er einn stærsti skartgripasali Bretlands og á m.a skartgripakeðjuna Goldsmiths, en slitastjórn Glitnis telur yfirverð hafa verið greitt fyrir hlutabréfin. Að mati slitastjórnar Glitnis var verðið á hlutabréfunum ákveðið samkvæmt tölvupósti sem Jón Ásgeir sendi á Bjarna Jóhannsson, viðskiptastjóra hjá Glitni, Lárus Welding og Pálma Haraldsson. Í skaðabótamálinu voru dómkvaddir matsmenn til að meta verðið á Aurum Holdings en það eru þeir Gylfi Magnússon, dósent við viðskiptafræðideild HÍ, og Bjarni Frímann Karlsson, lektor, en hann situr jafnframt í rannsóknarnefnd sparisjóðanna, og eiga þeir að skila mati sínu hinn 20. janúar næstkomandi. Samtímis skaðabótamálinu fór fram kyrrsetning í eignum Lárusar og Jóns Ásgeirs hér á landi vegna málsins en þeir hafa reynt að hnekkja þeirri kyrrsetningu í sjálfstæðu máli og er fyrirtaka í því í Hæstarétti á miðvikudaginn. Á sama tíma og skaðabótamál var höfðað í apríl 2010 kærði slitastjórn Glitnis málið til sérstaks saksóknara sem hefur haft það til rannsóknar vegna gruns um umboðssvik. Að sögn Ólafs Þórs Haukssonar, sérstaks saksóknara, er rannsóknin langt komin.Jón Ásgeir Jóhannesson.Eins og komið hefur fram telur slitastjórn Glitnis að Lárus hafi tekið við beinum skipunum frá Jóni Ásgeiri um veitingu lánsins og þeir hafi sameiginlega valdið bankanum tjóni vegna þess. Þessu er harðlega mótmælt í greinargerð lögmanns Jóns Ásgeirs. Jón Ásgeir ber ekki ábyrgð á lánveitingunni að lögum og Lárusi var aldrei skylt að fara eftir fyrirmælunum því Jón Ásgeir var ekki yfirmaður hans og ekki í stjórn Glitnis, en æðsta ákvörðunarvald hjá hlutafélagi milli aðalfunda liggur hjá stjórn þess og forstjóra. Velta má fyrir sér hvort Lárus hafi áttað sig á því að hann gat í raun virt alla tölvupósta frá Jóni Ásgeiri að vettugi, enda hafði hann enga stöðu hjá Glitni.Hróbjartur Jónatansson, hæstaréttarlögmaður, fer með málið fyrir hönd slitastjórnar Glitnis.Hróbjartur Jónatansson, hæstaréttarlögmaður, sem fer með málið fyrir slitastjórn Glitnis, segir að slitastjórnin sé tilbúin að fresta aðalmeðferð þess þangað til niðurstaða í rannsókn sérstaks saksóknara liggur fyrir. Það bíður þó ákvörðunar dómara, sem getur raunar tekið ákvörðun um slíkt án kröfu, samkvæmt lögum um meðferð einkamála. Hróbjartur segir þó að slitastjórn Glitnis muni ekki fallast á að málinu verði frestað fram í hið óendanlega dragist rannsókn sérstaks saksóknara mikið á langinn. „Ef það kemur ekki niðurstaða í opinbera málið innan hæfilegs tíma verður málið flutt. Það er miklu líklegra að afstaða sérstaks liggi fyrir fyrr en síðar. Því við létum öll gögnin til hans og það var búið að vinna mikið af hálfu Glitnis. Það kæmi mér ekki á óvart ef það kæmi fljótlega niðurstaða í það hvað hann vill gera, en hvort hann ákærir eða ekki, það er auðvitað ekki okkar að segja til um," segir Hróbjartur. Aurum Holding málið Mest lesið Ekkja í Hafnarfirði missti af íbúð þrátt fyrir samþykki Neytendur Ekkert fékkst upp í 100 milljóna gjaldþrot Bankastrætis club Viðskipti innlent Mjög leiðinlegt mál en tilboðið hafi aldrei verið samþykkt Neytendur Ferðamaður sem sá Þingvelli í myrkri fær endurgreitt að hluta Neytendur Ekki ósanngjarnt af flugfélagi að láta viðskiptavin greiða eigin mistök Neytendur Loðnuráðgjöf góðar fréttir en bíður með flugeldasýninguna Viðskipti innlent Vill að nýtt flugfélag taki á loft næsta sumar Viðskipti innlent X-kynslóðin: Oft gleymd en ómissandi Atvinnulíf Herða hreðjatakið á birgðakeðjum Vesturlanda Viðskipti erlent Skattur á streymisveitur geti skilað 150 milljónum Viðskipti innlent Fleiri fréttir Eignaumsjón kaupir Rekstrarumsjón Skattur á streymisveitur geti skilað 150 milljónum Vill að nýtt flugfélag taki á loft næsta sumar Ekkert fékkst upp í 100 milljóna gjaldþrot Bankastrætis club Loðnuráðgjöf góðar fréttir en bíður með flugeldasýninguna Boðar skatt á innlendar og erlendar streymisveitur Aukin gjöld geti leitt til taps frekar en boðaðs stórgróða Frá Reitum til Atlas verktaka Segir lægri álagningu á húsnæði en í öðrum greinum Umhverfis- og orkustofnun sektar þrotabú Play um 2,3 milljarða Undirbýr kveðjustund í Straumsvík Höggið á ríkissjóð allt að fimm milljarðar Ballið bráðum búið á Brewdog Allt bendir til kólnunar og nefndin mun mildari Færa Jarðböðin í nýtt hús og nýjan búning Kaupmáttur jókst í fyrra Bein útsending: Rökstyðja vaxtaákvörðunina Eðalfiskur í Borgarnesi skiptir um nafn Heldur stýrivöxtunum óbreyttum Ísland undanþegið stórauknum verndartollum ESB Vill laga „hringekju verðtryggingar og hárra vaxta“ Gamalt ráðuneyti verður hótel Á ég að hætta í núverandi sparnaði? Óljóst hvort veðhafar fái nokkuð Risagjalddagi vegna losunarheimilda daginn eftir gjaldþrot Einar hættir af persónulegum ástæðum „Væntanlega farnir að hefja næturvaktir hjá Samkeppniseftirlitinu“ Birna Ósk nýr forstjóri Húsasmiðjunnar Jón Skafti nýr forstöðumaður hjá Póstinum Gengi Skaga rýkur upp Sjá meira
Slitastjórn Glitnis ætlar að fallast á beiðni um að fresta aðalmeðferð í skaðabótamáli á hendur Lárusi Welding, Jóni Ásgeiri Jóhannessyni, Pálma Haraldssyni og fleirum vegna félagsins Aurum Holdings þangað til niðurstaða liggur fyrir í rannsókn sérstaks saksóknara vegna sama máls. Dómari getur frestað málinu að sjálfsdáðum. Það var í byrjun apríl 2010 sem slitastjórn Glitnis höfðaði skaðabótamál gegn Jóni Ásgeiri Jóhannesyni, Lárusi Welding, fyrrverandi forstjóra Glitnis, Pálma Haraldssyni og þremur fyrrverandi starfsmönnum Glitnis. Málið snýst um lánveitingu Glitnis til félagsins FS-38 ehf. sem var dótturfélag Fons, félagi Pálma, upp á sex milljarða króna hinn 16. júlí 2008 til að kaupa 30 prósenta hlut í Aurum Holdings Ltd. af Fons. Aurum Holdings er einn stærsti skartgripasali Bretlands og á m.a skartgripakeðjuna Goldsmiths, en slitastjórn Glitnis telur yfirverð hafa verið greitt fyrir hlutabréfin. Að mati slitastjórnar Glitnis var verðið á hlutabréfunum ákveðið samkvæmt tölvupósti sem Jón Ásgeir sendi á Bjarna Jóhannsson, viðskiptastjóra hjá Glitni, Lárus Welding og Pálma Haraldsson. Í skaðabótamálinu voru dómkvaddir matsmenn til að meta verðið á Aurum Holdings en það eru þeir Gylfi Magnússon, dósent við viðskiptafræðideild HÍ, og Bjarni Frímann Karlsson, lektor, en hann situr jafnframt í rannsóknarnefnd sparisjóðanna, og eiga þeir að skila mati sínu hinn 20. janúar næstkomandi. Samtímis skaðabótamálinu fór fram kyrrsetning í eignum Lárusar og Jóns Ásgeirs hér á landi vegna málsins en þeir hafa reynt að hnekkja þeirri kyrrsetningu í sjálfstæðu máli og er fyrirtaka í því í Hæstarétti á miðvikudaginn. Á sama tíma og skaðabótamál var höfðað í apríl 2010 kærði slitastjórn Glitnis málið til sérstaks saksóknara sem hefur haft það til rannsóknar vegna gruns um umboðssvik. Að sögn Ólafs Þórs Haukssonar, sérstaks saksóknara, er rannsóknin langt komin.Jón Ásgeir Jóhannesson.Eins og komið hefur fram telur slitastjórn Glitnis að Lárus hafi tekið við beinum skipunum frá Jóni Ásgeiri um veitingu lánsins og þeir hafi sameiginlega valdið bankanum tjóni vegna þess. Þessu er harðlega mótmælt í greinargerð lögmanns Jóns Ásgeirs. Jón Ásgeir ber ekki ábyrgð á lánveitingunni að lögum og Lárusi var aldrei skylt að fara eftir fyrirmælunum því Jón Ásgeir var ekki yfirmaður hans og ekki í stjórn Glitnis, en æðsta ákvörðunarvald hjá hlutafélagi milli aðalfunda liggur hjá stjórn þess og forstjóra. Velta má fyrir sér hvort Lárus hafi áttað sig á því að hann gat í raun virt alla tölvupósta frá Jóni Ásgeiri að vettugi, enda hafði hann enga stöðu hjá Glitni.Hróbjartur Jónatansson, hæstaréttarlögmaður, fer með málið fyrir hönd slitastjórnar Glitnis.Hróbjartur Jónatansson, hæstaréttarlögmaður, sem fer með málið fyrir slitastjórn Glitnis, segir að slitastjórnin sé tilbúin að fresta aðalmeðferð þess þangað til niðurstaða í rannsókn sérstaks saksóknara liggur fyrir. Það bíður þó ákvörðunar dómara, sem getur raunar tekið ákvörðun um slíkt án kröfu, samkvæmt lögum um meðferð einkamála. Hróbjartur segir þó að slitastjórn Glitnis muni ekki fallast á að málinu verði frestað fram í hið óendanlega dragist rannsókn sérstaks saksóknara mikið á langinn. „Ef það kemur ekki niðurstaða í opinbera málið innan hæfilegs tíma verður málið flutt. Það er miklu líklegra að afstaða sérstaks liggi fyrir fyrr en síðar. Því við létum öll gögnin til hans og það var búið að vinna mikið af hálfu Glitnis. Það kæmi mér ekki á óvart ef það kæmi fljótlega niðurstaða í það hvað hann vill gera, en hvort hann ákærir eða ekki, það er auðvitað ekki okkar að segja til um," segir Hróbjartur.
Aurum Holding málið Mest lesið Ekkja í Hafnarfirði missti af íbúð þrátt fyrir samþykki Neytendur Ekkert fékkst upp í 100 milljóna gjaldþrot Bankastrætis club Viðskipti innlent Mjög leiðinlegt mál en tilboðið hafi aldrei verið samþykkt Neytendur Ferðamaður sem sá Þingvelli í myrkri fær endurgreitt að hluta Neytendur Ekki ósanngjarnt af flugfélagi að láta viðskiptavin greiða eigin mistök Neytendur Loðnuráðgjöf góðar fréttir en bíður með flugeldasýninguna Viðskipti innlent Vill að nýtt flugfélag taki á loft næsta sumar Viðskipti innlent X-kynslóðin: Oft gleymd en ómissandi Atvinnulíf Herða hreðjatakið á birgðakeðjum Vesturlanda Viðskipti erlent Skattur á streymisveitur geti skilað 150 milljónum Viðskipti innlent Fleiri fréttir Eignaumsjón kaupir Rekstrarumsjón Skattur á streymisveitur geti skilað 150 milljónum Vill að nýtt flugfélag taki á loft næsta sumar Ekkert fékkst upp í 100 milljóna gjaldþrot Bankastrætis club Loðnuráðgjöf góðar fréttir en bíður með flugeldasýninguna Boðar skatt á innlendar og erlendar streymisveitur Aukin gjöld geti leitt til taps frekar en boðaðs stórgróða Frá Reitum til Atlas verktaka Segir lægri álagningu á húsnæði en í öðrum greinum Umhverfis- og orkustofnun sektar þrotabú Play um 2,3 milljarða Undirbýr kveðjustund í Straumsvík Höggið á ríkissjóð allt að fimm milljarðar Ballið bráðum búið á Brewdog Allt bendir til kólnunar og nefndin mun mildari Færa Jarðböðin í nýtt hús og nýjan búning Kaupmáttur jókst í fyrra Bein útsending: Rökstyðja vaxtaákvörðunina Eðalfiskur í Borgarnesi skiptir um nafn Heldur stýrivöxtunum óbreyttum Ísland undanþegið stórauknum verndartollum ESB Vill laga „hringekju verðtryggingar og hárra vaxta“ Gamalt ráðuneyti verður hótel Á ég að hætta í núverandi sparnaði? Óljóst hvort veðhafar fái nokkuð Risagjalddagi vegna losunarheimilda daginn eftir gjaldþrot Einar hættir af persónulegum ástæðum „Væntanlega farnir að hefja næturvaktir hjá Samkeppniseftirlitinu“ Birna Ósk nýr forstjóri Húsasmiðjunnar Jón Skafti nýr forstöðumaður hjá Póstinum Gengi Skaga rýkur upp Sjá meira