Brosað út í annað Haukur Viðar Alfreðsson skrifar 16. nóvember 2011 11:00 Bíó. Tower Heist. Leikstjórn: Brett Ratner. Aðalhlutverk: Ben Stiller, Eddie Murphy, Casey Affleck, Alan Alda, Matthew Broderick, Téa Leoni. Þessi meinlausa gamanmynd segir frá hópi manna sem hyggjast ræna siðspilltan auðjöfur eftir að þeir, ásamt samstarfsmönnum þeirra, verða græðgi hans og fjárglæfrastarfsemi að bráð. Ben Stiller leiðir hópinn og er handviss um að einhvers staðar í íbúð auðjöfursins leynist falinn fjársjóður, en íbúðin er á efstu hæð í himinháum íbúðarturni sem er vaktaður allan sólarhringinn. Söguþráðurinn er barnslega fallegur og býður upp á mikið grín. Áhorfandinn heldur með ræningjunum og vonar heitt og innilega að þeir nái að ræna ríka óbermið og fái til baka féð sem hann stal. Eddie Murphy gengur til liðs við ræningjana, en persóna hans á langan glæpaferil að baki og getur kennt ræningjunum eitt og annað. Það er gaman að sjá Murphy í nýrri mynd þar sem hann leikur aðeins eitt hlutverk, og það ekki í fitubúningi. Hann á fyndna spretti hér en hlutverkið hans er skammarlega lítið. Tower Heist hefur allt sem til þarf nema brandarana. Leikarahópurinn er öflugur og Brett Ratner er enginn aukvisi þegar kemur að leikstjórn gamansamra spennumynda og hefði því átt að geta neglt þetta. Handritið er hins vegar ekki nógu fyndið og eftir stendur grínmynd þar sem grínið er af skornum skammti. Hvað er best að kalla myndir sem láta mann einungis brosa út í annað? Niðurstaða: Skítsæmileg flensumynd. Fleiri brandarar hefðu hjálpað. Mest lesið Gamli er (ekki) alveg með'etta Gagnrýni Fellsmúlinn prýðir Instagramfærslu Justin Bieber Lífið Bieber gefur út óvænta plötu Lífið Upprunalega Birkin taskan seld á rúman milljarð Tíska og hönnun Eftirlætis náttúruperlur Ásu Steinars Lífið Pfúff: Fjölskyldufrí og systkinin endalaust að rífast Áskorun Ragga Holm og Elma trúlofaðar Lífið Þúsundir mótmæla: Hætt við tónlistarhátíð þar sem Ye átti að koma fram Lífið Borgin býður í tívolíveislu Tónlist Ný tónlistarhátíð í síldarverksmiðjunni á Hjalteyri Lífið Fleiri fréttir Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira
Bíó. Tower Heist. Leikstjórn: Brett Ratner. Aðalhlutverk: Ben Stiller, Eddie Murphy, Casey Affleck, Alan Alda, Matthew Broderick, Téa Leoni. Þessi meinlausa gamanmynd segir frá hópi manna sem hyggjast ræna siðspilltan auðjöfur eftir að þeir, ásamt samstarfsmönnum þeirra, verða græðgi hans og fjárglæfrastarfsemi að bráð. Ben Stiller leiðir hópinn og er handviss um að einhvers staðar í íbúð auðjöfursins leynist falinn fjársjóður, en íbúðin er á efstu hæð í himinháum íbúðarturni sem er vaktaður allan sólarhringinn. Söguþráðurinn er barnslega fallegur og býður upp á mikið grín. Áhorfandinn heldur með ræningjunum og vonar heitt og innilega að þeir nái að ræna ríka óbermið og fái til baka féð sem hann stal. Eddie Murphy gengur til liðs við ræningjana, en persóna hans á langan glæpaferil að baki og getur kennt ræningjunum eitt og annað. Það er gaman að sjá Murphy í nýrri mynd þar sem hann leikur aðeins eitt hlutverk, og það ekki í fitubúningi. Hann á fyndna spretti hér en hlutverkið hans er skammarlega lítið. Tower Heist hefur allt sem til þarf nema brandarana. Leikarahópurinn er öflugur og Brett Ratner er enginn aukvisi þegar kemur að leikstjórn gamansamra spennumynda og hefði því átt að geta neglt þetta. Handritið er hins vegar ekki nógu fyndið og eftir stendur grínmynd þar sem grínið er af skornum skammti. Hvað er best að kalla myndir sem láta mann einungis brosa út í annað? Niðurstaða: Skítsæmileg flensumynd. Fleiri brandarar hefðu hjálpað.
Mest lesið Gamli er (ekki) alveg með'etta Gagnrýni Fellsmúlinn prýðir Instagramfærslu Justin Bieber Lífið Bieber gefur út óvænta plötu Lífið Upprunalega Birkin taskan seld á rúman milljarð Tíska og hönnun Eftirlætis náttúruperlur Ásu Steinars Lífið Pfúff: Fjölskyldufrí og systkinin endalaust að rífast Áskorun Ragga Holm og Elma trúlofaðar Lífið Þúsundir mótmæla: Hætt við tónlistarhátíð þar sem Ye átti að koma fram Lífið Borgin býður í tívolíveislu Tónlist Ný tónlistarhátíð í síldarverksmiðjunni á Hjalteyri Lífið Fleiri fréttir Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Neistalaus trekantur leiðinlega fólksins Er Stalín listgagnrýnandi í Hörpu núna? Wardruna í vanda – þegar dulúðin náði ekki flugi Tom Cruise hrasar á síðasta snúning Messan sem var ekki tímamótaverk – en mig langaði samt til að gráta Sjá meira