Bauð hótelstarfsfólki á tónleika

Rapparinn Kanye West bauð á dögunum öllu starfsfólki Mercer-hótelsins í New York á fyrstu tónleikana í tónleikaferð sem fylgir eftir plötunni Watch the Throne.

Var West að þakka fyrir gestrisni hótelsins, sem lagði hæð undir West og rapparann Jay-Z þegar þeir voru að klára plötuna. Hljóðver var innréttað á hæðinni og West var augljóslega ánægður með það.

Ekki var nóg með að starfsfólkinu væri boðið á tónleikana því West leigði sérstaka partírútu sem skutlaði fólkinu fram og til baka.

Hér fyrir ofan má sjá myndbandið við eitt aðallag plötunnar, Otis.