Fittar eins og flís við rass Trausti Júlíusson skrifar 7. apríl 2011 12:15 Tónlist Hugboð um vandræði Megas og Senuþjófarnir Megas hefur unnið með mörgum flottum hljómsveitum í gegnum tíðina. Hljómsveitirnar Júdas, Spilverk þjóðanna, Nýdönsk, Íkarus og Hættuleg hljómsveit eru bara nokkrar þeirra. Samstarfið hefur þó sjaldnast enst lengi, sem er neikvætt (það hefði verið gaman að fá framhald af Á bleikum náttkjólum eða Millilendingu!) en líka jákvætt vegna þess að þessar tíðu breytingar hafa orðið til þess að ferill Megasar er mjög fjölbreyttur tónlistarlega. Undantekningin frá reglunni er Senuþjófarnir, sem í grunninn er hljómsveitin Hjálmar. Hugboð um vandræði er fimmta platan sem Megas gerir með þeim á fjórum árum og efni á sjöttu plötuna er víst langt komið. Það hljóp að vísu snurða á þráðinn í samstarfinu í árslok 2009, en menn féllust í faðma á nýjan leik fyrir stuttu og skelltu sér beint í hljóðver og tóku upp fullt af lögum. Sautján þeirra eru á Hugboð um vandræði.Megas og Senuþjófarnir. Mynd/ValliEins og fyrri plötur Megasar með Senuþjófunum er Hugboð um vandræði fín Megasarplata. Kiddi og hinir þjófarnir vita greinilega alveg hvernig á að krydda og kokka Megasarlög til þess að þau komi vel út. Tónlistin er nokkuð fjölbreytt, allt frá léttleikandi poppi yfir í kántrí og rokk, en heildarsvipurinn fæst með sándinu og hljóðfæraskipaninni (gítar og orgel eru áberandi). Svo er röddin alltaf framarlega þannig að söngur og textar Megasar njóta sín sérstaklega vel. Og það skiptir auðvitað ekki minnstu máli. Það er tvennt óvenjulegt við Hugboð um vandræði. Í fyrsta lagi er eitt laganna á ensku, Virgo Beatissima. Það mun vera annað lagið á ensku sem kemur út á plötu með Megasi. Það fyrra var á kvikmyndaplötunni Fálkar. Ágæt tilraun, en íslenska er klárlega mál Megasar. Í öðru lagi eru fjórir textanna á plötunni eftir Þorvald Þorsteinsson, úr leikritinu Lífið – notkunarreglur. Þeir passa ágætlega inn í heildina. Hugboð um vandræði er fyrirtaks Megasarplata. Hún er ekki alveg jafn sterk og meistaraverkið Frágangur, en hún er litlu síðri. Í textunum er komið víða við. Kúkur í flagi og Kúkur sjúgandi ramma plötuna inn og svo vísar Megas út og suður að vanda, meðal annars í sjálfan sig í laginu Ekkert er andstyggilegra, sem er eitt af bestu plötunnar. Það er líka gaman að fá íslenska honkítonkið 17. júní (hann á afmæli í dag) loksins á plötu. Á heildina litið er Hugboð um vandræði flott plata sem sýnir að Megas fellur að Senuþjófunum eins og flís við rass. Niðurstaða: Enn ein gæðaplatan frá Megasi og Senuþjófunum. Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið „Hættið að senda mér gervigreindarmyndbönd af pabba“ Bíó og sjónvarp Kynntust í Keflavík og gista saman í villu í Kenýa Ferðalög Enginn í joggingbuxum í París Lífið Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp „Léleg“ hönnun gervigreindar reyndist mannanna verk Menning Dreymir um að finna fólkið sem gaf hana frá sér Lífið Gefur endurkomu undir fótinn Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Tónlist Hugboð um vandræði Megas og Senuþjófarnir Megas hefur unnið með mörgum flottum hljómsveitum í gegnum tíðina. Hljómsveitirnar Júdas, Spilverk þjóðanna, Nýdönsk, Íkarus og Hættuleg hljómsveit eru bara nokkrar þeirra. Samstarfið hefur þó sjaldnast enst lengi, sem er neikvætt (það hefði verið gaman að fá framhald af Á bleikum náttkjólum eða Millilendingu!) en líka jákvætt vegna þess að þessar tíðu breytingar hafa orðið til þess að ferill Megasar er mjög fjölbreyttur tónlistarlega. Undantekningin frá reglunni er Senuþjófarnir, sem í grunninn er hljómsveitin Hjálmar. Hugboð um vandræði er fimmta platan sem Megas gerir með þeim á fjórum árum og efni á sjöttu plötuna er víst langt komið. Það hljóp að vísu snurða á þráðinn í samstarfinu í árslok 2009, en menn féllust í faðma á nýjan leik fyrir stuttu og skelltu sér beint í hljóðver og tóku upp fullt af lögum. Sautján þeirra eru á Hugboð um vandræði.Megas og Senuþjófarnir. Mynd/ValliEins og fyrri plötur Megasar með Senuþjófunum er Hugboð um vandræði fín Megasarplata. Kiddi og hinir þjófarnir vita greinilega alveg hvernig á að krydda og kokka Megasarlög til þess að þau komi vel út. Tónlistin er nokkuð fjölbreytt, allt frá léttleikandi poppi yfir í kántrí og rokk, en heildarsvipurinn fæst með sándinu og hljóðfæraskipaninni (gítar og orgel eru áberandi). Svo er röddin alltaf framarlega þannig að söngur og textar Megasar njóta sín sérstaklega vel. Og það skiptir auðvitað ekki minnstu máli. Það er tvennt óvenjulegt við Hugboð um vandræði. Í fyrsta lagi er eitt laganna á ensku, Virgo Beatissima. Það mun vera annað lagið á ensku sem kemur út á plötu með Megasi. Það fyrra var á kvikmyndaplötunni Fálkar. Ágæt tilraun, en íslenska er klárlega mál Megasar. Í öðru lagi eru fjórir textanna á plötunni eftir Þorvald Þorsteinsson, úr leikritinu Lífið – notkunarreglur. Þeir passa ágætlega inn í heildina. Hugboð um vandræði er fyrirtaks Megasarplata. Hún er ekki alveg jafn sterk og meistaraverkið Frágangur, en hún er litlu síðri. Í textunum er komið víða við. Kúkur í flagi og Kúkur sjúgandi ramma plötuna inn og svo vísar Megas út og suður að vanda, meðal annars í sjálfan sig í laginu Ekkert er andstyggilegra, sem er eitt af bestu plötunnar. Það er líka gaman að fá íslenska honkítonkið 17. júní (hann á afmæli í dag) loksins á plötu. Á heildina litið er Hugboð um vandræði flott plata sem sýnir að Megas fellur að Senuþjófunum eins og flís við rass. Niðurstaða: Enn ein gæðaplatan frá Megasi og Senuþjófunum.
Mest lesið Dauðlangar í kynlífsdúkku en óttast álit annarra Lífið Fagnar gagnrýni á „rasshausa-ummæli“ sín Lífið Maður geti þurft að díla við „konu sem er á túr“ og í vondu skapi Lífið „Hættið að senda mér gervigreindarmyndbönd af pabba“ Bíó og sjónvarp Kynntust í Keflavík og gista saman í villu í Kenýa Ferðalög Enginn í joggingbuxum í París Lífið Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp „Léleg“ hönnun gervigreindar reyndist mannanna verk Menning Dreymir um að finna fólkið sem gaf hana frá sér Lífið Gefur endurkomu undir fótinn Lífið Fleiri fréttir Skömminni skilað Friðrik Ómar bauð upp á sveppi – og Villi hefði elskað það! Freðinn faðir, fáránlegir fasistar og fyrsta flokks bíó Veisla fyrir augu og eyru Ekki er allt gull sem glóir Þeir fátæku borga brúsann Auður í Bæjarbíói: Frá slaufun í standandi fagnaðarlæti Alvöru bíó en hægt brenna Eldarnir Er Lína Langsokkur woke? Kórtónleikar: Heilög naumhyggja eða heilalaust suð Barnaefni fyrir fullorðna Balta bregst bogalistin Þú heyrðir rétt: klassík getur verið skemmtileg Sjá meira
Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp
Bak við tjöld Víkurinnar: Háskalegar aðstæður og hættulegur ferðamaður á hjara veraldar Bíó og sjónvarp