Beastie Boys snýr aftur

Rappsveitin Beastie Boys hefur loksins ákveðið útgáfudag á nýjustu plötu sinni, Hot Sauce Comittee Pt 2. Hún kemur út 19. apríl og bíða hennar margir með mikilli eftirvæntingu.

Gripurinn átti upphaflega að heita Hot Sauce Commiettee Pt. 1 og útgáfudagur átti að vera í september 2009. Plötunni var frestað þegar rapparinn Adam Yauch greindist með krabbamein og þurfti að gangast undir læknismeðferð.

Óvíst er hvort sveitin fari í tónleikaferð til að fylgja plötunni eftir. Það fer eftir því hvernig heilsa Yauch verður.

Á meðal gesta verða Santogold og Nas. Hér fyrir ofan er hægt að hlusta á lagið Too Many Rappers með Beastie Boys og Nas, sem er á plötunni. Lagið kom fyrst út vorið 2009 og var meðal annars tilnefnt til Grammy-verðlauna.