Snæfell fær sterkan útlending

Kvennalið Snæfells í körfubolta hefur fengið mikinn liðsstyrk því hin firnasterka Monique Martins er búin að semja við félagið.

Martins lék með KR leiktíðina 2007-08 og setti þá frægt met er hún skoraði 65 stig í leik gegn Keflavík. Hún var með 37 stig, 13 fráköst, 2 stoðsendingar og 4 stolna bolta að meðaltali í leik með KR.

Martins er ekki enn komin til landsins og eftir því sem fram kemur á heimasíðu Snæfells er óvíst að hún leiki með liðinu gegn Fjölni á morgun.