Innlent

Erfiður morgunn fyrir fjölskyldu Hannesar

Helgi Vilhjálmsson, faðir Hannesar, situr réttarhöldin ásamt fjölskyldu sinni.
Helgi Vilhjálmsson, faðir Hannesar, situr réttarhöldin ásamt fjölskyldu sinni.

„Það hefur verið erfitt fyrir þá sem sitja í dómsalnum að hlusta á óhugnanlegar lýsingarnar á morðinu. Ekki síst fyrir fjölskyldu, vini og aðstandendur Hannesar. Þetta hefur verið erfiður morgunn," sagði fréttamaðurinn Andri Ólafsson, í viðtali við Bylguna í hádeginu, þar sem hann lýsti andrúmsloftinu í réttarhöldunum yfir Gunnar Rúnari Sigurþórssyni.

Réttarhöldin hófust klukkan níu í morgun. Þá þegar tilkynnti verjandi Gunnars að hann myndi ekki gefa skýrslu heldur staðfesti hann einungis það sem hefði komið fram í skýrslum og yfirheyrslum yfir honum. Því næst fékk hann leyfi til þess að yfirgefa réttarsalinn.

Þrír geðlæknar gáfu svo skýrslu um sakhæfi Gunnars í morgun. Þeir eru allir á einu máli um að Gunnar sé ósakhæfur. Meðal annars var farið yfir áfall sem Gunnar varð fyrir þegar hann var níu ára gamall. Þá svipti faðir hans sig lífi. Það varð meðal annars til þess að Gunnar á erfitt með að mynda tilfinningatengsl og bjó beinlínis í sýndarveruleika, eins og einn geðlæknirinn komst að orði.

Ríkissaksóknari er ósammála því að Gunnar sé ósakhæfur og benti á að hinn mikli undirbúningur fyrir morðið benti til þess að Gunnar hefði haft fulla stjórn á sér þegar hann varð Hannesi Þór Helgasyni að bana í ágúst á síðasta ári.

Fjöldi fólks mætti í Héraðsdómi Reykjaness í morgun. Vísa þurfti fólki inn í hliðarsal þar sem réttarhöldunum er útvarpað vegna plássleysis í réttarsalnum.

Fréttamaður Vísis situr réttarhöldin og mun skýra frá þeim á Vísi í dag.

Morðið á Hannesi Þór Helgasyni

Tengdar fréttir

Fór að huga að morði eftir gerð YouTube myndbandsins

Hugmynd Gunnars Rúnars Sigurþóssonar um að losna við Hannes Þór Helgason virðist hafa sprottið upp eftir að hann setti myndband á YouTube með ástarjátningu til hennar til unnustu Hannesar. Þetta kom fram í máli Tómasar Zoega geðlæknis sem gerði yfirmat á Gunnari Rúnari Sigurþórssyni ásamt Kristni Tómassyni geðlækni.

Deilt um sakhæfi Gunnars Rúnars

Í máli ákæruvaldsins gegn Gunnari Rúnari Sigurþórssyni er aðallega deilt um sakhæfi Gunnars, sagði Sigríður Elsa Kjartansdóttir saksóknari í málflutningi sínum fyrir Héraðsdómi Reykjaness í dag. Vitnaleiðslur báru þessa klárlega merki í dag, enda voru fjögur vitni og þar af þrír geðlæknar. Gunnar Rúnar hefur játað morðið á sig á fyrri stigum þess og vildi ekki bæta neitt við þann framburð í dag.

Aðkoman á morðstað föst í huga Hildar

„Mér líður ógeðslega illa - persónan sem ég var er bara horfin," sagði Guðlaug Matthildur Rögnvaldsdóttir, unnusta Hannesar Þórs Helgasonar, við vitnaleiðslur í héraðsdómi í morgun. Guðlaug Matthildur, sem kölluð er Hildur, var niðurlút þegar hún gekk inn í dómssalinn.

Gunnar Rúnar svarar engu - víkur úr dómsal

Gunnar Rúnar Sigurþórsson svarar engum spurningum við aðalmeðferð sem nú stendur yfir þar sem hann er ákærður fyrir að hafa orðið Hannesi Þór Helgasyni að bana. Lögmaður Gunnars, Guðrún Sesselja Arnardóttir, tilkynnti við upphaf aðalmeðferðarinnar í morgun að hann myndi nýta sér rétt sinn til að svara engum spurningum heldur aðeins staðfesta lögregluskýrslur. Gunnar Rúnar óskaði eftir að víkja úr dómsal á meðan aðalmeðferðin stendur yfir, utan þess þegar hann staðfestir lögregluskýrslur, og var orðið við þeirri beiðni. Að þessu loknu var gert stutt hlé á þinghaldi en næst á dagskrá er skýrslutaka af geðlæknum.

Djúpstæð sektarkennd vegna morðsins

Gunnar Rúnar Sigurþórsson þroskaðist eðlilega sem ungt barn en varð fyrir hörmulegu áfalli þegar faðir hans svipti sig lífi. Þetta sagði Helgi Garðar Garðarsson geðlæknir sem gerði geðrannsókn á Gunnari Rúnari eftir að hann var handtekinn vegna morðsins á Hannesi Þór Helgasyni í ágúst. Helgi Garðar bar vitni í dómnum í morgun. Helgi Garðar telur Gunnar Rúnar vera ósakhæfan og vill að hann sæti öryggisgæslu.

Mest lesið


Fleiri fréttir

Sjá meira


×

Mest lesið