Tairu farinn frá KR - óvissa með framtíð Horton

KR-ingar hafa ákveðið að losa sig við Bandaríkjamanninn David Tairu og óvissa er með framhaldið hjá hinum Bandaríkjamanninum, Ed Horton.

"Við höfum ákveðið að rifta samningi við Tairu og hann fer nú til síns heima. Horton er enn með okkur en hans mál eru til skoðunar á hverjum degi," sagði Böðvar Guðjónsson, formaður körfuknattleiksdeildar KR, en hann segir að tekin verði ákvörðun um framtið Horton síðar.

Báðir leikmenn hafa valdið miklum vonbrigðum hjá KR í vetur og má gera ráð fyrir því að Horton þurfi að girða sig hraustlega í brók ef hann ætlar að halda vinnunni í Vesturbænum.

KR-ingar ætla að fá stóran mann í stað Tairu og leit stendur nú yfir að þeim manni. Ef réttur maður finnst fljótlega gæti hann komið fyir jól.