Umfjöllun og viðtöl: Akureyri 24-24 Valur Hjalti Þór Hreinsson í Höllinni á Akureyri skrifar 20. október 2011 20:00 Sturla Ásgeirsson var góður í liði Vals í dag. Fréttablaðið/Valli Valur og Akureyri gerðu dramatískt jafntefli í N1-deild karla í handbolta í kvöld. Bjarni Fritzson jafnaði metin fyrir Akureyri skömmu fyrir leikslok. Lokatölur voru 24-24. Valur gat tryggt sér sigurinn mínútu fyrir leikslok en víti sem Stefán "Uxi" Guðnason varði gerði gæfumuninn fyrir Akureyri sem jafnaði metin undir lokin. Hjá Val vantaði Valdimar Fannar Þórsson og Andra Stefan sem hefur reyndar ekkert spilað í vetur. Hjá Akureyri voru Heimir Örn Árnason fjarverandi, ásamt Ásgeiri Jónssyni og Herði Fannari Sigþórssyni. Hreinn Þór Hauksson kom annan leikinn í röð beint frá Svíþjóð í leik með Akureyri. Oddur spilaði á miðjunni hjá Akureyri í fjarveru Heimis og Guðlaugur á línunni í sókninni. Valur komst í 2-4, Akureyri gerði nokkur klaufaleg mistök til að byrja með. Staðan var 3-6 eftir 10 mínútur, Sturla skoraði 4 marka Vals úr jafn mörgum skotum. Anton hin tvö. Í stöðunni 5-9 tók Atli Hilmarsson leikhlé, vörn Akureyrar var slök og skorti alla grimmd. Valsmenn þurftu lítið að hafa fyrir mörkunum sínum og komst í 5-11 áður en Akureyri náði að skora aftur. Staðan eftir 20 mínútur var 7-12 og sókn Akureyrar hugmyndasnauð á meðan Valsmenn gengu á lagið. En síðustu 7 mínúturnar snerist taflið við. Vörn Akureyrar tók loksins á sig rögg og fór að berjast almennilega. Þá kom sóknin með og skyndilega var staðan orðin 13-14, sem hún var í hálfleik. Valsmenn voru klaufar líka, köstuðu boltanum nokkrum sinnum frá sér. Sturla og Anton skoruðu 10 af 14 mörkum Vals en átta leikmenn skoruðu fyrir Akureyri, þar af Bjarni 4 í fyrri hálfleiknum. Hlynur varði 7 skot í marki Vals og Sveinbjörn 8 hjá Akureyri. Akureyri jafnaði leikinn strax og komst svo yfir eftir meistaralega markvörslu Sveinbjörns. Valur komst þó aftur yfir og leikurinn bæði hraður og mistækur. Eftir 40 mínútna leik var staðan 17-18. Liðin skiptust á hafa forystu og þegar 10 mínútur voru eftir voru Valsmenn tveimur mörkum yfir, staðan 20-22. Þeir voru svo þremur mörkum yfir þegar fimm mínútur voru eftir. Akureyri minnkaði muninn í eitt mark þegar tæp mínúta var eftir. Þá varði Stefán Guðnason vítakast, Jón Heiðar minnkaði muninn og Valsmenn fóru í sókn. Þeir tóku leikhlé þegar 25 sekúndur voru eftir. Valsmenn töpuðu boltanum aftur á móti klaufalega, Bjarni skaust fram og jafnaði metin. Leiktíminn virtist liðinn en dómararnir sögðu tvær sekúndur eftir. Oddur fékk rautt spjald fyrir að stoppa Valsmenn undir lokin. Mikil reikistefna var undir lokin en Valsmenn höfðu tíma fyrir eitt skot sem Anton tók en hann skaut í varnarveginn. Lokatölur 24-24 í skemmtilegum og spennandi leik. Hjá Val voru Anton og Sturla atkvæðamestir en Hlynur varði vel í markinu. Markaskorun dreifðist jafnt hjá Akureyri en Bjarni skoraði 8 mörk og Guðmundur Hólmar 6."Hamratreyjan gerði gæfumuninn" - Segir Stefán Guðnason "Ég held að Hamratreyjan sem ég var í innan undir Akureyrartreyjunni hafi gert gæfumuninn," sagði Stefán en Hamrarnir eru Íslandsmeistarar í utandeildinni í handbolta sem Stefán spilaði með fyrir tveimur árum. Þetta var eina innkoma Stefáns í leiknum. "Það skiptir ekki máli hvað maður spilar mikið, það skiptir bara máli að vera klár. Ég er alltaf klár," sagði Stefán brattur eftir leikinn."Við áttum að klára þetta" - segir þjálfari Vals "Við vorum komnir í þá stöðu undir lokin að við eigum að vinna leikinn. Ef við hefðum nýtt vítið hefðum við unnið leikinn," sagði Óskar Bjarni Óskarsson. "Það er auðvelt að vera vitur eftir á. Við fengum fínan tíma undir lokin til að gera betur og við áttum að gera betur þá líka. Þetta er alltaf happa glappa þegar svona staða kemur upp. Við hefðum átt að koma boltanum útaf eða yfir." "Ég var annars ánægður með fyrri hálfleik lengst af, en það var aumingjaskapur að vea ekki 4-5 mörkum yfir í hálfleik." "En við höfum ekki oft spilað vel hérna á Akureyri og ég er ánægður með margt. Við getum tekið mikið af jákvæðum punktum úr leiknum." En við áttum nú samt að klára þetta," sagði Óskar. "Þetta er erfitt" - segir Bjarni Fritzson "Við erum í erfiðri stöðu, það eru margir að spila í nýjum stöðum og margir ungir leikmenn að spila stærri rullu en búist var við. En svona er staðan en þetta er auðvitað erfitt," segir Bjarni um breidd Akureyrarliðsins en marga menn vantar vegna meiðsla. "Heilt yfir var vörnin í kvöld ekki nógu góð. Við vorum ekki nógu einbeittir og Hlynur var að verja mjög vel frá okkur, úr mörgum dauðafærum." "Við erum að gera of mörg klaufaleg mistök, erum kannski að spila vel heilt yfir en svo koma mistök í sóknaruppstillingu, vörninni eða einhverju og það dregur okkur niður." "Ég er sáttur með frammistöðu liðsins að mörgu leiti, en ekki stigafjöldann. Eitt stig í kvöld er betra en ekkert og það gæti skipt miklu máli fyrir okkur. En við getum alveg bætt okkur," sagði Bjarni.Akureyri - Valur 24 - 2 (13-14)Mörk Akureyrar (skot): Bjarni Fritzson 8/3 (15), Guðmundur Hólmar Helgason 6 (8), Jón Heiðar Sigurðsson 2 (3), Geir Guðmundsson 2 (5), Oddur Gretarsson 2 (6/1), Hreinn Þór Hauksson 1 (1),Halldór Tryggvason 1 (1), Guðlaugur Arnarsson 1 (2), Bergvin Gíslason 1 (3).Varin skot: Sveinbjörn Pétursson 17 (41) 41%, Stefán Guðnason 1 (1) 100%Hraðaupphlaup: 4 (Bjarni 2, Hreinn, Oddur,)Fiskuð víti: 3 (Guðlaugur, Guðmundur, Bergvin)Utan vallar: 4 mínútur.Mörk Vals (skot): Sturla Ásgeirsson 8/2 (9), Finnur Stefánsson 5 (6), Anton Rúnarsson 5 (15), Magnús Einarsson 2 (3), Sigfús Sigurðsson 2 (4), Orri Gíslason 2 (5), Atli Báruson 0 (1).Varin skot: Hlynur Morthens 16/1 (40) 40% Hraðaupphlaup: 4 (Sturla, Anton, Finnur, Sigfús)Fiskuð víti: 3 (Orri, Atli, Sigfús)Utan vallar: 4 mínútur.Dómarar: Jón Karl Björnsson og Þorleifur Björnsson. Ágætir. Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira
Valur og Akureyri gerðu dramatískt jafntefli í N1-deild karla í handbolta í kvöld. Bjarni Fritzson jafnaði metin fyrir Akureyri skömmu fyrir leikslok. Lokatölur voru 24-24. Valur gat tryggt sér sigurinn mínútu fyrir leikslok en víti sem Stefán "Uxi" Guðnason varði gerði gæfumuninn fyrir Akureyri sem jafnaði metin undir lokin. Hjá Val vantaði Valdimar Fannar Þórsson og Andra Stefan sem hefur reyndar ekkert spilað í vetur. Hjá Akureyri voru Heimir Örn Árnason fjarverandi, ásamt Ásgeiri Jónssyni og Herði Fannari Sigþórssyni. Hreinn Þór Hauksson kom annan leikinn í röð beint frá Svíþjóð í leik með Akureyri. Oddur spilaði á miðjunni hjá Akureyri í fjarveru Heimis og Guðlaugur á línunni í sókninni. Valur komst í 2-4, Akureyri gerði nokkur klaufaleg mistök til að byrja með. Staðan var 3-6 eftir 10 mínútur, Sturla skoraði 4 marka Vals úr jafn mörgum skotum. Anton hin tvö. Í stöðunni 5-9 tók Atli Hilmarsson leikhlé, vörn Akureyrar var slök og skorti alla grimmd. Valsmenn þurftu lítið að hafa fyrir mörkunum sínum og komst í 5-11 áður en Akureyri náði að skora aftur. Staðan eftir 20 mínútur var 7-12 og sókn Akureyrar hugmyndasnauð á meðan Valsmenn gengu á lagið. En síðustu 7 mínúturnar snerist taflið við. Vörn Akureyrar tók loksins á sig rögg og fór að berjast almennilega. Þá kom sóknin með og skyndilega var staðan orðin 13-14, sem hún var í hálfleik. Valsmenn voru klaufar líka, köstuðu boltanum nokkrum sinnum frá sér. Sturla og Anton skoruðu 10 af 14 mörkum Vals en átta leikmenn skoruðu fyrir Akureyri, þar af Bjarni 4 í fyrri hálfleiknum. Hlynur varði 7 skot í marki Vals og Sveinbjörn 8 hjá Akureyri. Akureyri jafnaði leikinn strax og komst svo yfir eftir meistaralega markvörslu Sveinbjörns. Valur komst þó aftur yfir og leikurinn bæði hraður og mistækur. Eftir 40 mínútna leik var staðan 17-18. Liðin skiptust á hafa forystu og þegar 10 mínútur voru eftir voru Valsmenn tveimur mörkum yfir, staðan 20-22. Þeir voru svo þremur mörkum yfir þegar fimm mínútur voru eftir. Akureyri minnkaði muninn í eitt mark þegar tæp mínúta var eftir. Þá varði Stefán Guðnason vítakast, Jón Heiðar minnkaði muninn og Valsmenn fóru í sókn. Þeir tóku leikhlé þegar 25 sekúndur voru eftir. Valsmenn töpuðu boltanum aftur á móti klaufalega, Bjarni skaust fram og jafnaði metin. Leiktíminn virtist liðinn en dómararnir sögðu tvær sekúndur eftir. Oddur fékk rautt spjald fyrir að stoppa Valsmenn undir lokin. Mikil reikistefna var undir lokin en Valsmenn höfðu tíma fyrir eitt skot sem Anton tók en hann skaut í varnarveginn. Lokatölur 24-24 í skemmtilegum og spennandi leik. Hjá Val voru Anton og Sturla atkvæðamestir en Hlynur varði vel í markinu. Markaskorun dreifðist jafnt hjá Akureyri en Bjarni skoraði 8 mörk og Guðmundur Hólmar 6."Hamratreyjan gerði gæfumuninn" - Segir Stefán Guðnason "Ég held að Hamratreyjan sem ég var í innan undir Akureyrartreyjunni hafi gert gæfumuninn," sagði Stefán en Hamrarnir eru Íslandsmeistarar í utandeildinni í handbolta sem Stefán spilaði með fyrir tveimur árum. Þetta var eina innkoma Stefáns í leiknum. "Það skiptir ekki máli hvað maður spilar mikið, það skiptir bara máli að vera klár. Ég er alltaf klár," sagði Stefán brattur eftir leikinn."Við áttum að klára þetta" - segir þjálfari Vals "Við vorum komnir í þá stöðu undir lokin að við eigum að vinna leikinn. Ef við hefðum nýtt vítið hefðum við unnið leikinn," sagði Óskar Bjarni Óskarsson. "Það er auðvelt að vera vitur eftir á. Við fengum fínan tíma undir lokin til að gera betur og við áttum að gera betur þá líka. Þetta er alltaf happa glappa þegar svona staða kemur upp. Við hefðum átt að koma boltanum útaf eða yfir." "Ég var annars ánægður með fyrri hálfleik lengst af, en það var aumingjaskapur að vea ekki 4-5 mörkum yfir í hálfleik." "En við höfum ekki oft spilað vel hérna á Akureyri og ég er ánægður með margt. Við getum tekið mikið af jákvæðum punktum úr leiknum." En við áttum nú samt að klára þetta," sagði Óskar. "Þetta er erfitt" - segir Bjarni Fritzson "Við erum í erfiðri stöðu, það eru margir að spila í nýjum stöðum og margir ungir leikmenn að spila stærri rullu en búist var við. En svona er staðan en þetta er auðvitað erfitt," segir Bjarni um breidd Akureyrarliðsins en marga menn vantar vegna meiðsla. "Heilt yfir var vörnin í kvöld ekki nógu góð. Við vorum ekki nógu einbeittir og Hlynur var að verja mjög vel frá okkur, úr mörgum dauðafærum." "Við erum að gera of mörg klaufaleg mistök, erum kannski að spila vel heilt yfir en svo koma mistök í sóknaruppstillingu, vörninni eða einhverju og það dregur okkur niður." "Ég er sáttur með frammistöðu liðsins að mörgu leiti, en ekki stigafjöldann. Eitt stig í kvöld er betra en ekkert og það gæti skipt miklu máli fyrir okkur. En við getum alveg bætt okkur," sagði Bjarni.Akureyri - Valur 24 - 2 (13-14)Mörk Akureyrar (skot): Bjarni Fritzson 8/3 (15), Guðmundur Hólmar Helgason 6 (8), Jón Heiðar Sigurðsson 2 (3), Geir Guðmundsson 2 (5), Oddur Gretarsson 2 (6/1), Hreinn Þór Hauksson 1 (1),Halldór Tryggvason 1 (1), Guðlaugur Arnarsson 1 (2), Bergvin Gíslason 1 (3).Varin skot: Sveinbjörn Pétursson 17 (41) 41%, Stefán Guðnason 1 (1) 100%Hraðaupphlaup: 4 (Bjarni 2, Hreinn, Oddur,)Fiskuð víti: 3 (Guðlaugur, Guðmundur, Bergvin)Utan vallar: 4 mínútur.Mörk Vals (skot): Sturla Ásgeirsson 8/2 (9), Finnur Stefánsson 5 (6), Anton Rúnarsson 5 (15), Magnús Einarsson 2 (3), Sigfús Sigurðsson 2 (4), Orri Gíslason 2 (5), Atli Báruson 0 (1).Varin skot: Hlynur Morthens 16/1 (40) 40% Hraðaupphlaup: 4 (Sturla, Anton, Finnur, Sigfús)Fiskuð víti: 3 (Orri, Atli, Sigfús)Utan vallar: 4 mínútur.Dómarar: Jón Karl Björnsson og Þorleifur Björnsson. Ágætir.
Olís-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Uppgjörið: Fjölnir - Afturelding 0-0 | Afturelding fer aftur á Laugardalsvöll Íslenski boltinn Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Fleiri fréttir Hörmulegur seinni hálfleikur varð þýsku meisturunum að falli Orri skoraði þrjú er Sporting valtaði yfir Íslendingaslaginn Fínn leikur Íslendinganna í Þýskalandi dugði ekki til Þjálfarinn í byrjunarliðinu: „Mér fannst þörf á smá aga í leikinn“ Sjö mörk Jóhönnu hjálpuðu til við að landa fyrsta sigrinum Uppgjörið: Fjölnir - HK 28-27 | Flautumarkið fékk ekki að standa og Fjölnir slapp með sigur Ihor fór mikinn í stórsigri Aftureldingar Fullkomin byrjun lærisveina Arnórs heldur áfram Ólafur með fjögur mörk í fyrsta sigri Karlskrona Aðeins einn löglegur dúkur svo Valur og FH byrja saman í Krikanum Arftaki Kristjáns óvænt hættur Guðmundur miður sín eftir stórtap: „Eitt það versta sem ég hef upplifað lengi“ Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Sjá meira