Örn Ingi: Vorum heppnir að komast áfram

„Þetta var skelfilegur seinni hálfleikur hjá okkur,“ sagði Örn Ingi Bjarkason, leikmaður FH, eftir leikinn.

FH tapaði fyrir Initia Hasselt, 28-27, í 2. umferð EHF-keppninnar en komst samt sem áður áfram á fleiri mörkum skoruðum á útivelli.

„Þessir tveir hálfleikir eru bara gjörsamlega svart og hvítt hjá okkur og við vorum stálheppnir að komast áfram í þessari keppni. Við fórum að skjóta illa á markvörðinn og reyndum oft á tíðum vitlausa leið í gegnum vörn þeirra. Við ætlum okkur lengra í þessari keppni“.