Algjör Sveppi: fimm stjörnur 11. febrúar 2010 00:01 Sveppi og félagar fá fullt hús. Leikhús ***** Algjör Sveppi: Dagur í lífi stráks Íslenska óperan Höfundur: Gísli Rúnar Jónsson Leikarar: Sverrir Þór Sverrisson og Orri Huginn Ágústsson Tónlist: Jón Ólafsson Leikmynd og ljós: Egill Ingibergsson og Móeiður Helgadóttir Búningar: Margrét Einarsdóttir með aðstoð Tinnu Aðalbjörnsdóttur Gervi: Áslaug Dröfn Sigurðardóttir Danshöfundur: Guðmundur Elías Knudsen Hljóð: Magnús Jónsson Tökumaður: Bragi Þór Hinriksson Framkvæmdastjóri: Gunnhildur H. Gunnarsdóttir Framleiðandi: Ingvar Sverrisson Leikstjóri: Felix Bergsson Það er alveg öruggt að dagur í lífi stráks eða stelpu sem fer að sjá strákinn Sveppa í Gamla bíói, strákinn Sveppa sem á stórabróður og er eltur af hrekkjusvíni, er skemmtilegur dagur. Á sunnudaginn var hlógu ungir sem aldnir og flest það sem fyrir augu bar vakti athygli og gleði ungra áhorfenda. Þeir félagar Sverrir Þór Sverrisson og Orri Huginn Ágústsson skila með leik sínum frábæru verki en sýningin er ekki aðeins þeirra leikur heldur vel úthugsað silúettupil (skuggaleikhús) og eins eru fjölmargir effektar, fyrir svo utan tónlistina, sem gleður mannskapinn. Gísli Rúnar Jónsson svíkur aldrei. Það er margt í textanum sem minnir á gamla tíma og ekki síst þegar þeir félagar bresta í söng sem byggist á gömlum rótgrónum slögurum. Samferðafólk mitt á sýninguna, sem voru sex og ára ára, höfðu þetta að segja þegar þau voru spurð að því hvað þeim þætti nú skemmtilegast: Hún sex ára svaraði: Ekkert! Ha, spurði ég, hvað meinar þú ekkert? Ekkert var skemmtilegast vegna þess að allt var skemmtilegt, svaraði hún. Þriggja ára piltur sem ætlaði að springa úr ánægju hefur ekki hætt að tala um pabba draugastráksins, þessi með rauðu augun. „Ég var ekki hræddur en amma var hrædd." Gísli Rúnar ratar hér algerlega réttan veg með svona hversdagsævintýri úr lífi venjulega barnsins sem er og verður alltaf barn í ævintýri þótt raunveruleikinn geti verið svolítið þreytandi. Einstaka atriði voru svolítið gamaldags en það var bara skemmtilegt og hollt fyrir nútímaáhorfendur. Bæði ljósaleikurinn og notkun gervanna var einstaklega skemmtilega útfært, aldrei farið í gargandi öfgar enda sýningin í heild sinni einstaklega markhópsmótuð. Sverrir Þór sem Sveppi litli á náttúrlega orðið hvert bein í börnunum og er hann einstaklega gjafmildur á sjálfan sig í allri sinni framgöngu. Orri Huginn Ágústsson sýndi flotta takta í dans og söng og í öllum þeim gervum sem hann kom fram í. Leikstjórinn Felix Bergsson kann og veit hvaða leið er best að fara og vonandi verður hann oftar við stjórnvölinn í barnasýningum í framtíðinni. Skemmtileg sýning í fallegu leikhúsi. Elísabet Brekkan Niðurstaða: Ekkert var skemmtilegast, allt var skemmtilegt, var niðurstaðan hjá sex ára gamalli stelpu. Gísli Rúnar svíkur aldrei. Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira
Leikhús ***** Algjör Sveppi: Dagur í lífi stráks Íslenska óperan Höfundur: Gísli Rúnar Jónsson Leikarar: Sverrir Þór Sverrisson og Orri Huginn Ágústsson Tónlist: Jón Ólafsson Leikmynd og ljós: Egill Ingibergsson og Móeiður Helgadóttir Búningar: Margrét Einarsdóttir með aðstoð Tinnu Aðalbjörnsdóttur Gervi: Áslaug Dröfn Sigurðardóttir Danshöfundur: Guðmundur Elías Knudsen Hljóð: Magnús Jónsson Tökumaður: Bragi Þór Hinriksson Framkvæmdastjóri: Gunnhildur H. Gunnarsdóttir Framleiðandi: Ingvar Sverrisson Leikstjóri: Felix Bergsson Það er alveg öruggt að dagur í lífi stráks eða stelpu sem fer að sjá strákinn Sveppa í Gamla bíói, strákinn Sveppa sem á stórabróður og er eltur af hrekkjusvíni, er skemmtilegur dagur. Á sunnudaginn var hlógu ungir sem aldnir og flest það sem fyrir augu bar vakti athygli og gleði ungra áhorfenda. Þeir félagar Sverrir Þór Sverrisson og Orri Huginn Ágústsson skila með leik sínum frábæru verki en sýningin er ekki aðeins þeirra leikur heldur vel úthugsað silúettupil (skuggaleikhús) og eins eru fjölmargir effektar, fyrir svo utan tónlistina, sem gleður mannskapinn. Gísli Rúnar Jónsson svíkur aldrei. Það er margt í textanum sem minnir á gamla tíma og ekki síst þegar þeir félagar bresta í söng sem byggist á gömlum rótgrónum slögurum. Samferðafólk mitt á sýninguna, sem voru sex og ára ára, höfðu þetta að segja þegar þau voru spurð að því hvað þeim þætti nú skemmtilegast: Hún sex ára svaraði: Ekkert! Ha, spurði ég, hvað meinar þú ekkert? Ekkert var skemmtilegast vegna þess að allt var skemmtilegt, svaraði hún. Þriggja ára piltur sem ætlaði að springa úr ánægju hefur ekki hætt að tala um pabba draugastráksins, þessi með rauðu augun. „Ég var ekki hræddur en amma var hrædd." Gísli Rúnar ratar hér algerlega réttan veg með svona hversdagsævintýri úr lífi venjulega barnsins sem er og verður alltaf barn í ævintýri þótt raunveruleikinn geti verið svolítið þreytandi. Einstaka atriði voru svolítið gamaldags en það var bara skemmtilegt og hollt fyrir nútímaáhorfendur. Bæði ljósaleikurinn og notkun gervanna var einstaklega skemmtilega útfært, aldrei farið í gargandi öfgar enda sýningin í heild sinni einstaklega markhópsmótuð. Sverrir Þór sem Sveppi litli á náttúrlega orðið hvert bein í börnunum og er hann einstaklega gjafmildur á sjálfan sig í allri sinni framgöngu. Orri Huginn Ágústsson sýndi flotta takta í dans og söng og í öllum þeim gervum sem hann kom fram í. Leikstjórinn Felix Bergsson kann og veit hvaða leið er best að fara og vonandi verður hann oftar við stjórnvölinn í barnasýningum í framtíðinni. Skemmtileg sýning í fallegu leikhúsi. Elísabet Brekkan Niðurstaða: Ekkert var skemmtilegast, allt var skemmtilegt, var niðurstaðan hjá sex ára gamalli stelpu. Gísli Rúnar svíkur aldrei.
Mest lesið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Það er alveg hægt að vinna rifrildið, en þá tapar sambandið“ Makamál Borðar það sem alltaf hefur verið til og léttist og léttist Lífið „Fimm ár af allskonar og hamingjan er enn hér“ Lífið Tjáir sig í fyrsta sinn um bróðurmissinn Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Einfalt og frísklegt útlit fyrir hlaupið Lífið Best skipulagða geymsla landsins í glæsihúsi við Laugardalinn Lífið Göngutúr með umhverfissálfræðingi: „Árás inn í umhverfið“ og vannýttasta horn borgarinnar Lífið Fleiri fréttir Maður þurfti ekki að vera skyggn Melódrama, morð og hæfilega mikið bótox Sunna Gunnlaugs í skugga karlrembu á djasshátíð Alien Romulus: Ungmenna Alien May December: Seint koma sumir en koma þó Sjá meira