IE-deild karla: Þrír leikir á dagskrá í kvöld

Toppbaráttuliðin KR, Keflavík og Njarðvík verða öll í eldlínunni í kvöld í Iceland Express-deild karla í körfubolta. Íslandsmeistarar KR heimsækja Hamar í Hveragerði en með í för er Morgan Lewis, nýi Kani Vesturbæinga og því spennandi að sjá hvernig hann mætir til leiks.

KR situr á toppi deildarinnar fyrir leiki kvöldsins með tveggja stig forskot á Keflavík sem tekur á móti Tindastóli í Keflavík.

Þá mætast Njarðvík og Breiðablik í Kópavogi en Njarðvíkar hafa örlítið verið að gefa eftir í toppbaráttunni á síðustu vikum og eru nú fjórum stigum á eftir KR eftir aðeins einn sigur úr síðustu fjórum leikjum sínum í deildinni. Allir leikir kvöldsins hefjast kl. 19.15.

Leikir kvöldsins:

Hamar-KR

Keflavík-Tindastóll

Breiðablik-Njarðvík