Fínn þverskurður Freyr Gígja Gunnarsson skrifar 14. nóvember 2010 16:00 Johann G in English er kærkomin fyrir yngri kynslóðina sem langar að hlusta á nýrri og eldri lög tónlistarmannsins án þess að þurfa leita dyrum og dyngjum að gömlum diskum. Tónlist Tvískipt plata Jóhanns G. Jóhannssonar: Johann G in English *** Ýmsir syngja Jóhann G ** Það ætti að vera skylda fyrir alla þá sem hyggjast hasla sér völl í dægurlaga- og popptónlist að kynna sér verk og texta Jóhanns G. Jóhannssonar. Allavega ættu þeir að fara í masterclass hjá Jóhanni og heyra hvernig ofursmellurinn Don't Try to Fool Me varð til en lagið er ein besta dægurfluga sem flögrað hefur um á öldum ljósvakans. Fyrri safnplatan, Johann G in English, er kærkomin fyrir yngri kynslóðina sem langar að hlusta á nýrri og eldri lög tónlistarmannsins án þess að þurfa leita dyrum og dyngjum að gömlum diskum. Nýju lögin eru sem fyrr haganlega samin, útsetningarnar eru áreynslulausar, þetta er vandað heldrimannapopp þar sem ekki er reynt of mikið á hlustandann með tilraunastarfsemi. Eldri lögin hafa auðvitað sannað tilverurétt sinn og lifa góðu lífi enn í dag. Á seinni plötunni reyna nokkrir valinkunnir listamenn við lög Jóhanns og útkoman er náttúrlega misjöfn eins og gengur og gerist með slíka diska. Ung söngkona, Sigrún Vala, stendur sig vel, sem og djasssöngkonan Stine August. Fönksveitin Jagúar stendur fyrir sínu með lagið Money Can't Buy You Love og þá er einstaklega skemmtilegt að heyra í hinni fornfrægu hljómsveit Bo Halldorsson Band sem samkvæmt bókinni var stofnuð fyrir tónleikaferð Björgvins um Rússland 1982. Diskurinn verður hins vegar leiðigjarn til lengdar og Jóhann G. mætti skoða það í fúlustu alvöru að fá einhverjar af hinum nýju stjörnum, listamenn á borð við Hjálma, FM Belfast, Retro Stefson og Diktu, til að leika lögin sín. Niðurstaða: Johann G in English er tvískipt safn þar sem flutningur Jóhanns sjálfs stendur upp úr. Ábreiðudiskurinn er hins vegar ekki nógu spennandi eins og slíkum diskum hættir oft til að verða. Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira
Tónlist Tvískipt plata Jóhanns G. Jóhannssonar: Johann G in English *** Ýmsir syngja Jóhann G ** Það ætti að vera skylda fyrir alla þá sem hyggjast hasla sér völl í dægurlaga- og popptónlist að kynna sér verk og texta Jóhanns G. Jóhannssonar. Allavega ættu þeir að fara í masterclass hjá Jóhanni og heyra hvernig ofursmellurinn Don't Try to Fool Me varð til en lagið er ein besta dægurfluga sem flögrað hefur um á öldum ljósvakans. Fyrri safnplatan, Johann G in English, er kærkomin fyrir yngri kynslóðina sem langar að hlusta á nýrri og eldri lög tónlistarmannsins án þess að þurfa leita dyrum og dyngjum að gömlum diskum. Nýju lögin eru sem fyrr haganlega samin, útsetningarnar eru áreynslulausar, þetta er vandað heldrimannapopp þar sem ekki er reynt of mikið á hlustandann með tilraunastarfsemi. Eldri lögin hafa auðvitað sannað tilverurétt sinn og lifa góðu lífi enn í dag. Á seinni plötunni reyna nokkrir valinkunnir listamenn við lög Jóhanns og útkoman er náttúrlega misjöfn eins og gengur og gerist með slíka diska. Ung söngkona, Sigrún Vala, stendur sig vel, sem og djasssöngkonan Stine August. Fönksveitin Jagúar stendur fyrir sínu með lagið Money Can't Buy You Love og þá er einstaklega skemmtilegt að heyra í hinni fornfrægu hljómsveit Bo Halldorsson Band sem samkvæmt bókinni var stofnuð fyrir tónleikaferð Björgvins um Rússland 1982. Diskurinn verður hins vegar leiðigjarn til lengdar og Jóhann G. mætti skoða það í fúlustu alvöru að fá einhverjar af hinum nýju stjörnum, listamenn á borð við Hjálma, FM Belfast, Retro Stefson og Diktu, til að leika lögin sín. Niðurstaða: Johann G in English er tvískipt safn þar sem flutningur Jóhanns sjálfs stendur upp úr. Ábreiðudiskurinn er hins vegar ekki nógu spennandi eins og slíkum diskum hættir oft til að verða.
Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira