Rokk sem stenst tímans tönn Trausti Júlíusson skrifar 16. nóvember 2010 08:00 Black Box með XIII. Tónlist **** Black Box XIII Hljómsveitin XIII hefur verið starfandi í mismunandi myndum síðan 1993. Aðalsprauta hennar allan tímann hefur verið gítarleikarinn og söngvarinn Hallur Ingólfsson. XIII á að baki þrjár plötur. Salt kom út föstudaginn 13. maí 1994, Serpentyne föstudaginn 13. október 1995 og Magnifico Nova 13. janúar 2002. Fyrstu tvær plöturnar komu út á vegum erlendra fyrirtækja eftir útgáfu hérlendis, en Magnifico Nova var gefin út af franska plötufyrirtækinu XIIIbis Records. Eftir að franska fyrirtækið hafnaði fjórðu plötunni árið 2005 virtust dagar XIII taldir, en í fyrra fór sveitin af stað aftur og í maí og júní 2010 hljóðritaði hún nýja plötu, Black Box. Platan Black Box sem hér er til umfjöllunar er samt ekki bara nýja platan, heldur er þetta tvöfaldur geisladiskur sem inniheldur 26 lög af öllum fjórum plötum sveitarinnar. Sjö laganna eru ný, en eldri lögin eru endurhljóðblönduð. Diskarnir tveir koma í innbundinni harðspjaldabók sem rekur sögu sveitarinnar í texta, myndum og úrklippum. Og það er ekki allt. Auk diskanna og bókarinnar fylgja kóðar með sem gera eiganda pakkans kleift að hala niður öllum plötunum í fullri lengd. Tónlist XIII var í byrjun kraftmikið, goth-litað og þétt ofið gítarrokk og þó að hún hafi þróast nokkuð og orðið aðeins léttari með árunum hefur grunnurinn haldið sér. Hljómsveitin hefur alltaf lagt mikið í hljóminn og þetta þykka rokksánd er eitt af aðaleinkennunum. Áður en Hallur stofnaði XIII var hann trommuleikari í Ham og þessar tvær hljómsveitir eiga ýmislegt sameiginlegt. Black Box pakkinn gefur góða mynd af hljómsveitinni og sýnir að tónlist XIII hefur staðist tímans tönn og á ekki síður erindi við íslenska rokkáhugamenn í dag heldur en þegar hún kom fyrst fram. Útgáfan sjálf er sérstaklega glæsileg. Ein flottasta yfirlitsútgáfa sem komið hefur út á Íslandi. Eina spurningin er: Af hverju var hin óútgefna Wintersun ekki látin fylgja með í pakkanum? Niðurstaða: Glæsileg yfirlitsútgáfa sem allir íslenskir rokkhundar ættu að eiga í safninu. Gagnrýni Lífið Tónlistargagnrýni Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira
Tónlist **** Black Box XIII Hljómsveitin XIII hefur verið starfandi í mismunandi myndum síðan 1993. Aðalsprauta hennar allan tímann hefur verið gítarleikarinn og söngvarinn Hallur Ingólfsson. XIII á að baki þrjár plötur. Salt kom út föstudaginn 13. maí 1994, Serpentyne föstudaginn 13. október 1995 og Magnifico Nova 13. janúar 2002. Fyrstu tvær plöturnar komu út á vegum erlendra fyrirtækja eftir útgáfu hérlendis, en Magnifico Nova var gefin út af franska plötufyrirtækinu XIIIbis Records. Eftir að franska fyrirtækið hafnaði fjórðu plötunni árið 2005 virtust dagar XIII taldir, en í fyrra fór sveitin af stað aftur og í maí og júní 2010 hljóðritaði hún nýja plötu, Black Box. Platan Black Box sem hér er til umfjöllunar er samt ekki bara nýja platan, heldur er þetta tvöfaldur geisladiskur sem inniheldur 26 lög af öllum fjórum plötum sveitarinnar. Sjö laganna eru ný, en eldri lögin eru endurhljóðblönduð. Diskarnir tveir koma í innbundinni harðspjaldabók sem rekur sögu sveitarinnar í texta, myndum og úrklippum. Og það er ekki allt. Auk diskanna og bókarinnar fylgja kóðar með sem gera eiganda pakkans kleift að hala niður öllum plötunum í fullri lengd. Tónlist XIII var í byrjun kraftmikið, goth-litað og þétt ofið gítarrokk og þó að hún hafi þróast nokkuð og orðið aðeins léttari með árunum hefur grunnurinn haldið sér. Hljómsveitin hefur alltaf lagt mikið í hljóminn og þetta þykka rokksánd er eitt af aðaleinkennunum. Áður en Hallur stofnaði XIII var hann trommuleikari í Ham og þessar tvær hljómsveitir eiga ýmislegt sameiginlegt. Black Box pakkinn gefur góða mynd af hljómsveitinni og sýnir að tónlist XIII hefur staðist tímans tönn og á ekki síður erindi við íslenska rokkáhugamenn í dag heldur en þegar hún kom fyrst fram. Útgáfan sjálf er sérstaklega glæsileg. Ein flottasta yfirlitsútgáfa sem komið hefur út á Íslandi. Eina spurningin er: Af hverju var hin óútgefna Wintersun ekki látin fylgja með í pakkanum? Niðurstaða: Glæsileg yfirlitsútgáfa sem allir íslenskir rokkhundar ættu að eiga í safninu.
Gagnrýni Lífið Tónlistargagnrýni Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira