Snæfell í bikarúrslitin

Snæfellingar unnu glæsilegan útisigur á Keflavík í undanúrslitum bikarsins í dag 90-64. Heimamenn fundu engan takt í sinn leik, jafnt var eftir fyrsta leikhluta en eftir hann tóku Snæfellingar völdin.

Staðan var 29-46 í hálfleik. Hörður Axel Vilhjálmsson skoraði 20 stig fyrir Keflavík í leiknum og Draelon Burns var með 16. Stigahæstur Snæfellinga var Jón Ólafur Jónsson sem skoraði 23 stig og Martin Berki var með 13 stig. Hlynur Bæringsson tók 23 fráköst í leiknum.

Í úrslitum mæta Snæfellingar annað hvort Grindavík eða ÍR en þau lið mætast í hinum undanúrslitaleiknum á morgun.