„Já konudagurinn er svo yndislegur dagur. Ég á svo rómantískan og góðan mann að mig kitlar alltaf smá í magann fyrir þessum degi," svarar Ingibjörg Þorvaldsdóttir athafnakona sem rekur verslanirnar „3 Smárar" í Smáralind og Laugavegi.
„Ég veit að hann hugsar vel um mig og mig grunar að á konudaginn eldi hann æðislegan „brunch" með öllu tilheyrandi og þá eru alltaf fersk blóm til mín á borðinu með fallegu korti þar sem hann lýsir hvað honum þyki vænt um mig."

„Í minningunni hafa allir mínir konudagar síðan við kynntumst verið á þessa leið," segir hún og bætir við:
„Og ég óska mér að þessi verði með svipuðu sniði."
„Munurinn núna er að hann er kominn með tvo litla aðstoðarkokka, 2 og 3 ára, sem eru búnir að eignast sínar eigin svuntur og hafa ótrúlegan áhuga á að aðstoða pabba sinn í eldhúsinu," segir Ingibjörg.-elly@365.is