Feðgin spila í Fuglabúrinu

Feðginin Rúnar Þórisson og Lára Rúnarsdóttir spila á Café Rosenberg í kvöld.

Tónleikarnir eru hluti af tónleikaröðinni Fuglabúrinu, þar sem tveir fulltrúar ólíkra kynslóða leiða saman hesta sína. Rúnar er fyrrverandi gítarleikari Grafíkur og sendi síðast frá sér sólóplötuna Fall.

Lára hefur sent frá sér þrjár plötur og er í örri framför sem listamaður. Tónleikarnir eru hugarfóstur FTT, Félags tónskálda og textahöfunda, auk þess sem Rás 2 og Reykjavík Grapevine koma að kynningu Fuglabúrsins. Skemmtunin hefst kl. 20.30 og miðaverð er 1.500 kr.