Renault í sóknarhug eftir silfur

Eric Bouiller hjá Renault segir að lið sitt verði sókndjarfara eftir mótið í Ástralíu, þar sem Robert Kubica náði öðru sæti. "Við vitum að bíll okkar er aðeins á eftir toppbílunum hvað hraða varðar, þannig að þeim mistekst, þá er það okkar að næla í stigin", sagði Boullier í samtali við Autosport vefsetrið. Renault varð meistari í Formúlu 1 2005 og 2006 en hefur ekki verið í titilslagnum síðan. "Ég er náttúrulega hæstánægður með liðsmenn okkar í Enstona og Viry Chatillion því þeir hafa unnið frábært verk í vetur. Það er gott að ná í stig og verðlaunapall og eflir liðsandann." "Þegar maður nær ekki árangri, þá er allt flatt. Við höfum skipt um um stjórnendur á fyrirtækinu og ég hef sagt síðustu mánuði að ég vildi að liðið setti undir sig hausinn, vinna vel og gera það sem við gerum best - keppa í kappakstri. Að komast á verðalaunapallinn er því frábært fyrir liðið."