Nonni Mæju: Þeir brotnuðu hægt og rólega

„Við töluðum saman í hálfleik og ákváðum í sameiningu að rífa okkur upp," sagði Jón Ólafur Jónsson, betur þekktur sem Nonni Mæju, eftir að Snæfell sótti bæði stigin til ÍR í kvöld.

Breiðholtsliðið var með forystuna stærstan hluta leiksins en á lokasprettinum reyndust gestirnir sterkari og úrslitin 92-105.

„Við ákváðum að byrja að keyra á þá og hleypa loknum svoldið upp. Við vorum lengi að nýta okkur það en þegar það tókst þá var þetta aldrei spurning. Þeir brotnuðu hægt og rólega."

„Við mættum ekki tilbúnir til leiks og í þessari deild geta allir unnið alla."

Stigahæstir hjá Snæfelli: Sean Burton 26, Jón Ólafur Jónsson 22, Emil Þór Jóhannsson 14, Ryan Amoroso 18.