Stórleikir í körfunni í kvöld

Það eru tveir leikir á dagskránni í körfuboltanum í kvöld og er óhætt að segja að þeir séu báðir af dýrari gerðinni.

Í Grindavík taka heimamenn á móti ÍR í undanúrslitum Subwaybikarsins. Snæfell þegar komið í úrslit keppninnar og kemur í ljós í kvöld hverjum Hólmarar mæta.

Það er svo risaslagur í DHL-höllinni þar sem KR tekur á móti Njarðvík í Iceland Express-deild karla.

Báðir leikirnir eru í beinni útsendingu. Grindavík sýnir leikinn á umfg.is í beinni en leikur KR og Njarðvíkur er í beinni útsendingu á Stöð 2 Sport.