Butler tryggði Hamar sigur í Keflavík

Jaleesa Butler var hetja Hamars sem vann góðan þriggja stiga sigur á Keflavík í æsispennandi leik í kvöld, 72-69.

Butler fór fyrir sínu liði á lokasprettinum og skoraði fjögur síðustu stig leiksins.

Keflavík hafði haft undirtökin í leiknum en Hamar sneri honum sér í vil með góðum spretti í upphafi fjórða leikhluta.

Butler skoraði 29 stig og tók tíu fráköst fyrir Hamar og Kristrún Sigurjónsdóttir var með sautján stig.

Hjá Keflavík var Jacquline Adamshick með 28 stig og 23 fráköst. Bryndís Guðmundsdóttir kom næst með sautján stig.

Nánar verður fjallað um leikinn á Vísi í kvöld.