Fallegur pakki fyrir aðdáendur Trausti Júlíusson skrifar 9. desember 2010 18:00 Alpanon með Hjaltalín. Tónlist Alpanon Hjaltalín Hljómsveitin Hjaltalín hefur verið yfirburðasveit undanfarin ár. Tvær fyrstu plöturnar hennar, Sleepdrunk Seasons (2007) og Terminal (2009), eru margverðlaunaðar og af mörgum taldar bestu plötur síðustu ára í íslensku poppi. Hjaltalín hefur líka verið dugleg við spilamennsku og lagt í mörg metnaðarfull verkefni. Útsetningin á Þú komst við hjartað í mér var snilldarleikur og á Listahátíð 2009 spilaði hljómsveitin eftirminnilega tónleika í Íslensku óperunni með kammersveit. Og svo voru það stórtónleikar með Sinfóníuhljómsveit Íslands í júní 2010 sem nú eru komnir á geislaplötu og DVD-disk undir nafninu Alpanon. Popphljómsveitir sem spila með Sinfó er konsept sem gengur misvel upp, en það er óhætt að reikna með góðu þegar Hjaltalín á í hlut þar sem klassískur þráður er þegar í tónlist hennar. Og það er margt sem gengur upp á Alpanon. Umgjörðin er falleg og það eru ágæt tilþrif í gangi í útsetningunum. Umslagið er líka fallegt, tilbrigði við hið frábæra umslag á Terminal. Hljómurinn er góður og öll vinnsla til fyrirmyndar. Samt varð ég fyrir vonbrigðum með þessa tónleika. Kannski hefði mátt leggja meira upp úr nýju efni. Á disknum eru tvö ný lög, A Bag Lady og Year of the Horse, og það eru mín uppáhaldslög á Alpanon, sérstaklega það fyrrnefnda. Þrjú lög eru af Sleepdrunk Seasons og níu af Terminal. Það er kannski vandamálið við þessa útgáfu. Það er of stutt liðið frá því að Terminal kom út og búið að spila mörg þessara laga í tætlur síðustu misseri. Og útsetningarnar bæta litlu við lög eins og Sweet Impressions, Stay By You og Feels Like Sugar. Stærri útsetning er ekki endilega betri. Kannski hefði mátt hugsa einhver lög alveg upp á nýtt? Fyrir utan nýju lögin eru samt nokkur sem koma sérstaklega vel út, t.d. Traffic Music, Hooked on Chili, Song From Incidental Music og Trailer Music. Á heildina litið er Alpanon fallegur pakki fyrir Hjaltalín-aðdáendur þó að það dragi úr hvatanum til að setja hann í tækið hvað maður er búinn að heyra mörg þessara laga oft undanfarið. Það verður spennandi að hlusta á hann eftir svona fimm ár og meta hann upp á nýtt. Niðurstaða: Margt vel gert, en nýju lögin hefðu mátt vera fleiri. Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira
Tónlist Alpanon Hjaltalín Hljómsveitin Hjaltalín hefur verið yfirburðasveit undanfarin ár. Tvær fyrstu plöturnar hennar, Sleepdrunk Seasons (2007) og Terminal (2009), eru margverðlaunaðar og af mörgum taldar bestu plötur síðustu ára í íslensku poppi. Hjaltalín hefur líka verið dugleg við spilamennsku og lagt í mörg metnaðarfull verkefni. Útsetningin á Þú komst við hjartað í mér var snilldarleikur og á Listahátíð 2009 spilaði hljómsveitin eftirminnilega tónleika í Íslensku óperunni með kammersveit. Og svo voru það stórtónleikar með Sinfóníuhljómsveit Íslands í júní 2010 sem nú eru komnir á geislaplötu og DVD-disk undir nafninu Alpanon. Popphljómsveitir sem spila með Sinfó er konsept sem gengur misvel upp, en það er óhætt að reikna með góðu þegar Hjaltalín á í hlut þar sem klassískur þráður er þegar í tónlist hennar. Og það er margt sem gengur upp á Alpanon. Umgjörðin er falleg og það eru ágæt tilþrif í gangi í útsetningunum. Umslagið er líka fallegt, tilbrigði við hið frábæra umslag á Terminal. Hljómurinn er góður og öll vinnsla til fyrirmyndar. Samt varð ég fyrir vonbrigðum með þessa tónleika. Kannski hefði mátt leggja meira upp úr nýju efni. Á disknum eru tvö ný lög, A Bag Lady og Year of the Horse, og það eru mín uppáhaldslög á Alpanon, sérstaklega það fyrrnefnda. Þrjú lög eru af Sleepdrunk Seasons og níu af Terminal. Það er kannski vandamálið við þessa útgáfu. Það er of stutt liðið frá því að Terminal kom út og búið að spila mörg þessara laga í tætlur síðustu misseri. Og útsetningarnar bæta litlu við lög eins og Sweet Impressions, Stay By You og Feels Like Sugar. Stærri útsetning er ekki endilega betri. Kannski hefði mátt hugsa einhver lög alveg upp á nýtt? Fyrir utan nýju lögin eru samt nokkur sem koma sérstaklega vel út, t.d. Traffic Music, Hooked on Chili, Song From Incidental Music og Trailer Music. Á heildina litið er Alpanon fallegur pakki fyrir Hjaltalín-aðdáendur þó að það dragi úr hvatanum til að setja hann í tækið hvað maður er búinn að heyra mörg þessara laga oft undanfarið. Það verður spennandi að hlusta á hann eftir svona fimm ár og meta hann upp á nýtt. Niðurstaða: Margt vel gert, en nýju lögin hefðu mátt vera fleiri.
Mest lesið „Einhvern tímann verðurðu að leyfa barninu þínu að flytja að heiman“ Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Taka fyrir sambönd flugfreyja og flugmanna út frá sögum úr bransanum Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Svona heppnaðist hárígræðslan hjá Baldri og Einari Lífið Opna Preppbarinn í Keflavík og bjóða 50% afslátt Lífið samstarf Trúlofuð en ekki búin að flytja inn saman Lífið Er hárið skemmt eða bara þurrt? Lífið samstarf Fleiri fréttir Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Vók Ofurmenni slaufað Gamli er (ekki) alveg með'etta Mömmustrákur skýtur uppvakningum ref fyrir rass Norah Jones: Tíminn stóð í stað þar til ljóskastarinn vakti mann Sjá meira