KR-konur tryggðu sér deildarmeistaratitilinn með stórsigri

KR-konur tryggðu sér deildarmeistaratitilinn í Iceland Express deild kvenna í körfubolta með 23 stiga sigri á Grindavík, 68-45, í DHL-Höllinni í kvöld. Grindavík var í 2. sæti deildarinnar fyrir leikinn en nú tíu stigum á eftrir KR þegar aðeins sex stig eru eftir í pottinum.

Margrét Kara Sturludóttir skoraði 21 stig fyrir KR í kvöld, Signý Hermannsdóttir og Unnur Tara Jónsdóttir voru báðar með 11 stig og Guðrún Gróa Þorsteinsdóttir skoraði 10 stig auk þess að eiga mikinn þátt í því að Joanna Skiba skoraði ekki stig fyrir Grindavík í leiknum.

Þetta er fyrsti deildarmeistaratitill KR-kvenna í níu ár eða síðan að KR varð deildarmeistari þriðja árið í röð vorið 2001.

Keflavíkurkonur héldu áfram sigurgöngu sinni og unnu sinn áttunda leik á árinu 2010 með því að vinna 74-69 sigur á Hamar í Hveragerði. Keflavík náði grindavík að stigum í 2. sætinu en er enn í þriðja sætinu þar sem að Grindavík hefur unnið 2 af 3 innbyrðisleikjum liðanna í vetur.

Úrslit og stigaskor í Iceland Express deild kvenna í kvöld:

KR-Grindavík 68-44 (34-23)

Stig KR: Margrét Kara Sturludóttir 21, Signý Hermannsdóttir 11, Unnur Tara Jónsdóttir 11, Guðrún Gróa Þorsteinsdóttir 10, Hildur Sigurðardóttir 7, Heiðrún Kristmundsdóttir 4, Jenny Pfeiffer-Finora 3, Helga Einarsdóttir 1.

Stig Grindavíkur: Michele DeVault 17, Helga Hallgrímsdóttir 9, Jovana Lilja Stefánsdóttir  6, Petrúnella Skúladóttir 5, Berglind Anna Magnúsdóttir 4, Íris Sverrisdóttir 3.

Hamar-Keflavík 69-74 (41-43)

Stig Hamars: Kristrún Sigurjónsdóttir 23, Julia Demirer    17, Koren Schram 9, Sigrún Sjöfn Ámundadóttir 7, Fanney Lind Guðmundsdóttir 6, Hafrún Hálfdánardóttir 2, Íris Ásgeirsdóttir 2, Guðbjörg Sverrisdóttir 2, Sóley Guðgeirsdóttir 1.

Stig Keflavíkur: Kristi Smith 22, Birna Valgarðsdóttir 19, Bryndís Guðmundsdóttir 18, Svava Ósk Stefánsdóttir 6, Pálína Gunnlaugsdóttir 5, Eva Rós Guðmundsdóttir 3, Rannveig Randversdóttir 1.

Haukar-Njarðvík 81-40 (43-22)

Stig Hauka: Kiki Lund 17, Bryndís Hanna Hreinsdóttir  14, Heather Ezell 11, Ragna Margrét Brynjarsdóttir  9, María Lind Sigurðardóttir  8, Guðrún Ósk Ámundardóttir 6, Telma Björk Fjalarsdóttir 5, Helena Brynja Hólm 5, Heiðrún Ösp Hauksdóttir 4, Kristín Fjóla Reynisdóttir 2.

Stig Njarðvíkur: Sigurlaug Guðmundsdóttir  12, Ólöf Helga Pálsdóttir 7, Harpa Hallgrímsdóttir 5, Anna María Ævarsdóttir 4, Jóhanna Áslaugsdóttir 3, Jóna Guðleif Ragnarsdóttir 3, Ína María Einarsdóttir 3, Heiða Valdimarsdóttir 2, Auður Jónsdóttir  1.

Snæfell-Valur 69-58 (33-18)

Stig Snæfells: Sherell Hobbs 29, Gunnhildur Gunnarsdóttir 21, Hrafnhildur Sif Sævarsdóttir 9, Unnur Lára Ásgeirsdóttir 5, Sara Sædal Andrésdóttir 5.

Stig Vals: Dranadia Roc 23, Hrund Jóhannsdóttir 20, Sigríður Viggósdóttir 6, Berglind Karen Ingvarsdóttir  6, Hanna S. Hálfdanardóttir 3.