Formenn bjartsýnir fyrir kosningarnar 24. apríl 2009 06:00 Formenn framboðanna til Alþingis eru allir bjartsýnir á gott gengi í komandi kosningum þrátt fyrir mismunandi útkomu í könnun Fréttablaðsins á fylgi flokkanna á landsvísu. „Þessi niðurstaða er í samræmi við það sem ég finn, að fólk vilji að við verðum leiðandi afl í næstu ríkisstjórn," segir Jóhanna Sigurðardóttir forsætisráðherra og formaður Samfylkingarinnar, sem fær 31,8 prósent og 21 þingmann í könnun Fréttablaðsins. Jóhanna segir að túlka megi niðurstöðuna þannig að stór hluti þjóðarinnar telji að Samfylking hafi lausnir fyrir fyrirtæki og heimili í landinu. „Við erum með áætlun um framtíðarlausn út úr þessum hremmingum. Könnunin sýnir einnig að fólk vill að lausnir nýfrjálshyggjunnar fari til hliðar á næstu árum og lausnir félagshyggju og jafnaðarstefnunnar verði settar í öndvegi," segir hún. Vinstri grænir fá 24,1 prósent í könnunni og sextán menn á þing. „Þetta sýnir að það eru verulegar líkur á áframhaldandi velferðarstjórn eftir kosningar. Við erum auðvitað ánægð en höldum ró okkar," segir Katrín Jakobsdóttir, varaformaður VG. „Ef kosningarnar færu svona bætum við við okkur tíu prósentustigum frá síðustu kosningum og værum orðin annar stærsti flokkurinn. Það yrðu auðvitað stórtíðindi en ég spyr bara að leikslokum," segir Katrín. Óttast stefnu stjórnarflokka„Auðvitað erum við Sjálfstæðismenn ekki ánægðir með hvar við erum að mælast þessa dagana en við erum bjartsýnir á að við munum skila í hús betri tölum heldur kannanir undanfarinna daga sýna," segir Bjarni Benediktsson, formaður Sjálfstæðisflokksins, sem könnun Fréttablaðsins gefur 21,9 prósent atkvæða og fimmtán þingmenn.Bjarni segir hreyfingu vera á fylginu. „Ég skynja það frá frambjóðendum flokksins um allt land að fólki finnst það vera að koma betur og betur í ljós hvað ríkisstjórnarflokkarnir eru ósammála um mikilvæg mál sem skipta miklu fyrir atvinnustigið í landinu og þar með heimilin," segir hann.„Mér líst náttúrulega vel á að fylgi Framsóknarflokksins sé að aukast. Hins vegar hef ég verulegar áhyggjur því að þetta gefur til kynna að hér verði hrein vinstri stjórn eftir kosningar og ég tel að hún muni fylgja efnahagsstefnu sem verði landinu mjög hættuleg. Þar af leiðandi er niðurstaðan hvað þessa tvo flokka vonbrigði," segir Sigmundur Davíð Gunnlaugsson, formaður Framsóknarflokksins sem í könnun Fréttablaðsins fær 11,3 prósent fylgi og sjö alþingismenn.Sigmundur segir að sér lítist vel á framhaldið. „Við ákváðum eftir að ég kom inn að við myndum ekki hafa of miklar áhyggjur af skoðanakönnunum heldur halda okkar striki og segja hlutina eins og við teljum þá vera þótt það væri ekki alltaf fallið til vinsælda. Fólk virðist hins vegar vera að átta sig betur og betur á skilaboðum okkar." Fimmti flokkurinn á þing„Þetta hljómar rosalega vel í ljósi þess stutta tíma sem við höfum haft," segir Herbert Sveinbjörnsson, formaður stjórnar Borgarahreyfingarinnar sem fær 7,1 prósent atkvæða samkvæmt könnuninni og fjóra menn á Alþingi. „Það eru átta vikur síðan hreyfingin var stofnuð og það er ótrúlega mikið af óeigingjörnu fólki sem hefur hjálpað okkur. Mér sýnist að við ætlum að verða fimmti flokkurinn á þingi og það held ég að sé hið besta mál fyrir okkur öll," bætir Herbert við. „Ég hefði vænst þess að við mældumst hærra í þessari könnun, en mín bjargfasta trú er sú að við fáum meira í kosningunum," segir Guðjón Arnar Kristjánsson, formaður Frjálslynda flokksins, um fylgiskönnun Fréttablaðsins. Frjálslyndir fá 2,6 prósent í könnuninni og engan mann á þing. Guðjón Arnar segist hafa farið um allt Norðvesturkjördæmi. Af þeirri reynslu að dæma hafi hann enga trú á öðru en að flokkurinn nái inn manni. „Okkar reynsla er sú að við fáum venjulega 3 til 4 prósentum meira í kosningum en könnunum. Við vonumst því til þess að bæta stöðuna," segir Guðjón Arnar. Grátlegt að kjósa ánauð áfram„Það er grátlegt ef þjóðin ætlar að vera svo vitlaus að kjósa yfir áframhaldandi ánauð spilltra og úreltra stjórnmálaflokka og mútuþægra alþingismanna," segir Ástþór Magnússon, formaður Lýðræðishreyfingarinnar sem fær 1,2 prósent og engan mann á þing í könnuninni. Ástþór segir að á kjördag sé þjóðin frjáls að kjósa sig úr ánauðinni. „Ef þjóðin hefði vit á því að kjósa Lýðræðishreyfinguna á þing væri þjóðin sjálf að fá áhrif á Alþingi. Þingmenn Lýðræðishreyfingarinnar munu ganga í takt við rafrænt almannaþing þar sem þjóðin sjálf hefur orðið og valdið," segir Ástþór Magnússon. gar@frettabladid.is / kjartan@frettabladid.is Kosningar 2009 Mest lesið „Þetta er orðið pínu þreytt, tveir bílar á sex dögum“ Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent „Ágæt ábending“ um bótaþega en tekur ekki undir allar athugasemdir fjármálaráðs Innlent Bresk systkini létust í kláfferjuslysinu Erlent Háholt sett aftur á sölu Innlent Úkraína og Bandaríkin nálgast samkomulag Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira
Formenn framboðanna til Alþingis eru allir bjartsýnir á gott gengi í komandi kosningum þrátt fyrir mismunandi útkomu í könnun Fréttablaðsins á fylgi flokkanna á landsvísu. „Þessi niðurstaða er í samræmi við það sem ég finn, að fólk vilji að við verðum leiðandi afl í næstu ríkisstjórn," segir Jóhanna Sigurðardóttir forsætisráðherra og formaður Samfylkingarinnar, sem fær 31,8 prósent og 21 þingmann í könnun Fréttablaðsins. Jóhanna segir að túlka megi niðurstöðuna þannig að stór hluti þjóðarinnar telji að Samfylking hafi lausnir fyrir fyrirtæki og heimili í landinu. „Við erum með áætlun um framtíðarlausn út úr þessum hremmingum. Könnunin sýnir einnig að fólk vill að lausnir nýfrjálshyggjunnar fari til hliðar á næstu árum og lausnir félagshyggju og jafnaðarstefnunnar verði settar í öndvegi," segir hún. Vinstri grænir fá 24,1 prósent í könnunni og sextán menn á þing. „Þetta sýnir að það eru verulegar líkur á áframhaldandi velferðarstjórn eftir kosningar. Við erum auðvitað ánægð en höldum ró okkar," segir Katrín Jakobsdóttir, varaformaður VG. „Ef kosningarnar færu svona bætum við við okkur tíu prósentustigum frá síðustu kosningum og værum orðin annar stærsti flokkurinn. Það yrðu auðvitað stórtíðindi en ég spyr bara að leikslokum," segir Katrín. Óttast stefnu stjórnarflokka„Auðvitað erum við Sjálfstæðismenn ekki ánægðir með hvar við erum að mælast þessa dagana en við erum bjartsýnir á að við munum skila í hús betri tölum heldur kannanir undanfarinna daga sýna," segir Bjarni Benediktsson, formaður Sjálfstæðisflokksins, sem könnun Fréttablaðsins gefur 21,9 prósent atkvæða og fimmtán þingmenn.Bjarni segir hreyfingu vera á fylginu. „Ég skynja það frá frambjóðendum flokksins um allt land að fólki finnst það vera að koma betur og betur í ljós hvað ríkisstjórnarflokkarnir eru ósammála um mikilvæg mál sem skipta miklu fyrir atvinnustigið í landinu og þar með heimilin," segir hann.„Mér líst náttúrulega vel á að fylgi Framsóknarflokksins sé að aukast. Hins vegar hef ég verulegar áhyggjur því að þetta gefur til kynna að hér verði hrein vinstri stjórn eftir kosningar og ég tel að hún muni fylgja efnahagsstefnu sem verði landinu mjög hættuleg. Þar af leiðandi er niðurstaðan hvað þessa tvo flokka vonbrigði," segir Sigmundur Davíð Gunnlaugsson, formaður Framsóknarflokksins sem í könnun Fréttablaðsins fær 11,3 prósent fylgi og sjö alþingismenn.Sigmundur segir að sér lítist vel á framhaldið. „Við ákváðum eftir að ég kom inn að við myndum ekki hafa of miklar áhyggjur af skoðanakönnunum heldur halda okkar striki og segja hlutina eins og við teljum þá vera þótt það væri ekki alltaf fallið til vinsælda. Fólk virðist hins vegar vera að átta sig betur og betur á skilaboðum okkar." Fimmti flokkurinn á þing„Þetta hljómar rosalega vel í ljósi þess stutta tíma sem við höfum haft," segir Herbert Sveinbjörnsson, formaður stjórnar Borgarahreyfingarinnar sem fær 7,1 prósent atkvæða samkvæmt könnuninni og fjóra menn á Alþingi. „Það eru átta vikur síðan hreyfingin var stofnuð og það er ótrúlega mikið af óeigingjörnu fólki sem hefur hjálpað okkur. Mér sýnist að við ætlum að verða fimmti flokkurinn á þingi og það held ég að sé hið besta mál fyrir okkur öll," bætir Herbert við. „Ég hefði vænst þess að við mældumst hærra í þessari könnun, en mín bjargfasta trú er sú að við fáum meira í kosningunum," segir Guðjón Arnar Kristjánsson, formaður Frjálslynda flokksins, um fylgiskönnun Fréttablaðsins. Frjálslyndir fá 2,6 prósent í könnuninni og engan mann á þing. Guðjón Arnar segist hafa farið um allt Norðvesturkjördæmi. Af þeirri reynslu að dæma hafi hann enga trú á öðru en að flokkurinn nái inn manni. „Okkar reynsla er sú að við fáum venjulega 3 til 4 prósentum meira í kosningum en könnunum. Við vonumst því til þess að bæta stöðuna," segir Guðjón Arnar. Grátlegt að kjósa ánauð áfram„Það er grátlegt ef þjóðin ætlar að vera svo vitlaus að kjósa yfir áframhaldandi ánauð spilltra og úreltra stjórnmálaflokka og mútuþægra alþingismanna," segir Ástþór Magnússon, formaður Lýðræðishreyfingarinnar sem fær 1,2 prósent og engan mann á þing í könnuninni. Ástþór segir að á kjördag sé þjóðin frjáls að kjósa sig úr ánauðinni. „Ef þjóðin hefði vit á því að kjósa Lýðræðishreyfinguna á þing væri þjóðin sjálf að fá áhrif á Alþingi. Þingmenn Lýðræðishreyfingarinnar munu ganga í takt við rafrænt almannaþing þar sem þjóðin sjálf hefur orðið og valdið," segir Ástþór Magnússon. gar@frettabladid.is / kjartan@frettabladid.is
Kosningar 2009 Mest lesið „Þetta er orðið pínu þreytt, tveir bílar á sex dögum“ Innlent Uggandi vegna atlögu að háskólum: „Við ætlum ekki að lifa í ótta“ Erlent Gamall ráðherra vildi nýtt hús, en nýr ráðherra gæti fengið gamalt hús Innlent „Stórtækir íbúðareigendur“ eiga 20 prósent íbúða í borginni Innlent Bandaríkin íhugi að draga sig úr friðarviðræðum Rússlands og Úkraínu Erlent „Ágæt ábending“ um bótaþega en tekur ekki undir allar athugasemdir fjármálaráðs Innlent Bresk systkini létust í kláfferjuslysinu Erlent Háholt sett aftur á sölu Innlent Úkraína og Bandaríkin nálgast samkomulag Erlent Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Innlent Fleiri fréttir „Rosalega erfitt“ að keppa við innflutt grænmeti Stígvél og tækniframfarir Hótanir gegn háskólum og krossfestingar Gamall ráðherra vildi nýtt hús, en nýr ráðherra gæti fengið gamalt hús „Þetta er orðið pínu þreytt, tveir bílar á sex dögum“ „Ágæt ábending“ um bótaþega en tekur ekki undir allar athugasemdir fjármálaráðs Háholt sett aftur á sölu Skjólstæðingur heilbrigðisstofnunar veittist að starfsfólki Ráðherra bregst við athugasemdum, leikur ársins og ódýrt grænmeti „Stórtækir íbúðareigendur“ eiga 20 prósent íbúða í borginni Handtekinn grunaður um vasaþjófnað í miðborginni Engar reglur á Íslandi um hve mörg börn sæðisgjafar megi eignast Morðhótunum í garð kvenna fari fjölgandi Rafmennt í samstarf og kaupir eignir þrotabúsins Kartöflugeymsla orðin að menningarhúsi Selfyssinga Hafa áhyggjur af því að sýn Veitna á Heiðmörk sé of þröng Skortur á reglum um sæðisgjafir og menningarmiðstöð í kartöflugeymslu Háværar framkvæmdir stöðvaðar Hafþór keppir í Rússlandi: „Auðvitað veldur þessi ákvörðun ákveðnum vonbrigðum“ Rannsaka ólöglegt fiskeldi Áformin dragi verulega úr möguleikum til útivistar Geti haft í för með sér „ónæði, mengun og álag á fráveitu“ Ofbeldi í nánum samböndum og mótmæli á Tenerife Einhleypir karlmenn standa verst Misskilnings gætt um breytingar á lögum um innritun í framhaldsskóla Andstaða forstjóra Flugleiða við Cargolux réð því að hluturinn fór Bað lögreglu um að bjarga kettinum úr klóm nágrannans Vantar sjálfboðaliða til að laga 500 hjól handa efnaminni fjölskyldum „Umhverfi sem gerir eðlilegt og lögmætt flug að forréttindum stóru rekstraraðilanna“ Nafn mannsins sem lést í Garðabæ Sjá meira